Timor Post (09/04/2021)- Vise Primeiru Ministru no Ministru Planu no Ordenamentu Territoriál, José Reis hatete, Ponte Bekusi tama iha pakote emerjénsia maibé seidauk sobu tanba sei prepara dezeñu.
Antes ne’e Primeiru Ministru Taur Matan Ruak, oriente Ministru Obras Publikas Salvador Pires, atu organiza sobu no halo foun fali ponte refere iha loron 7 Abríl tanba fó impaktu ba komunidade bainhira tempu udan.
“Ohin ko’alia mós kona-ba Ponte Bekusi ne’ebé mak Primeiru Ministru (PM) Taur Matan Ruak deside hodi hakarak sobu ne’e, maibé ekipa sei prepara hela dezeñu, tanba kuandu sobu tiha entaun asesu husi Bekusi ba Taibesi susar ona, entaun prepara tiha lai dezeñu mak sobu para kontinua konstrui foun kedas”, informa Reis hafoin remata reuniaun Konsellu Administrasaun Fundu Infraestrutura (KAFI) iha Ministériu Finansas Sesta (9/4).
Membru Governu ne’e akresenta tékniku sira komesa prosesu daudaun ona dezeñu ponte nian, iha tempu badak kuandu dezeñu prontu ona sobu ona.
Entretantu bainhira tun halo observasaun (5/4) Primeiru Ministru hetan kritika hosi komunidade atu sobu ponte ne’e tanba fó impaktu no lori inundasaun ba komunidade bainhira tempu udan.
Jornalista Jaime Pires
Editór Mariano Martins
600 total views, 3 views today
Bele hare Video Seluk :
Subscribe to Timorpost
