DILI—Prezidente Repúblika Francisco Guterres Lú Olo ho nia família partisipa misa ba selebrasaun sinjas iha Igreja Katedral, Dili.
Iha omília, Arsebispu Don Virgílio do Carmo da Silva, SDB, subliña, to’o ona tempu atu ema hotu halo reflesaun ba ida ida nia an, loke fuan hateke ba ema seluk ho domin, no labele hatudu egoizmu, no keta buka hadau kadeira kuandu hakarak sai moris loloos.
“Ita balu dala barak preokupa liu dalan ida ne’ebe lori prosesu iha moris, ita balu preokupa liu dalan ne’ebe fo kadeira ne’ebe diak, balu preokupa buat seluk tan, ida laos razaun ba moris iha mundu, tamba maromak bolu ona ita hodi hatete “keta haluha fila imi neon no fila laran mai Ha’u”, hatete Bispu Virgílio, liu hosi nia omília missa Kuarta Sinzas, (26/02) iha Igreja Parókia Katedral Dili.
Bispu hatete, liafuan kmanek hosi loron Sinzas ne’e, hanorin no fo neon moris ba ema hotu oinsá atu lao deit tuir dalan Jesus Kristu nian, basa dalan ne’e mak sei lori ema hotu too maromak.
Bispu dehan, ohin loron ema nia moris nakonu ho abisaun ba buat hotu, halo buat hotu ne’ebé lahatene tuir dalan atu ba los ida ne’ebé.
Tanba ne’e momentu koaresma, ema iha obrigasaun atu Zezum ba buat hotu ne’ebé bele strai ema nia hanoin, no lahanoin lia esensial.
“Moris ne’ebe nakonu ho ansi ba buat hotu, halo buat oin oin iha ita nia moris, maibe dala ruma atu ba los iha neébé? Presiza halo duni Zezum nune’e bele sai hosi buat hirak ne’ebe estrai no halo buat ne’ebe esensial,”
Amu Bispu husu ba Sarani sira, iha tenpu loron 40 nia laran ne’e, hotu hotu atu loke tilun, loke fuan rona lian ida deit mai hosi ‘Na’i’ rasik ne’ebe bele panetra iha ema ida ida nia fuan laran.
“Keta tauk no keta karak! maibe loke o nia tilun, loke o nia fuan, pasensia atu rona, basa ida ne’e hanesan momentu ida ne’ebe atu fanun o nia moris. Tuir mensajem Maromak nian, Maluk doben sira Fila ba, “se ha’u tenke fila”. nee katak dalan antes karik ‘sala’ no dalan ne’ebe tuir antes ne’e karik la ‘justu’,”Haklaken
Ikus liu Bispu hatoo mensajen presiza haraik an iha loron Koaresma , tanba hotu hotu hatene hosi esperensia moris antes hasoru ona buat oin.
Moris tenki buka dalan ne’ebe bele too ba meta, (hakarak) Maromak nian, tenki buka dalan bele haksolok isin no klamar too ona.! Lalika buka ka preokupa ba dalan ida ne’ebe laos loloos.
Tenke refleta ahukudesa ne’ebé marka iha rentos Ne’ebé fo hanoin fali buat loss, realidade moris, ne’ebe dala barak lakoi rona no preokupa, basa Riku soin mundu la hela iha mundu interna, tanba ne’e provizoriu deit.
“Modernu nee la hela permanente, aban sei ba ema seluk , ohin o kontenti tanba hetan susesu, no aban sussesu ne’e ema seluk nian”katak bispu
Ikus, iha dalan tolu esensial ne’ebé presiza atu halao iha tempu Koaresma nia laran mak hanesan, “Esmola, Orasaun no Zezum”
Hosi liafuan tolu ne’e serve atu hatene realidade moris, siknifika hosi esmola atu hateke ema seluk ho karidade, Orasaun liga ba ema ho maromak no Zezum liga ba moris ema ida ida nian. Orasaun liga ita ema ho Maromak, Karidade liga ita ho ita nia maluk, Jezum ho ita nia an rasik
“Koaresma lori ema atu hatene laletek as ho orasaun finalidade hanoin ida mai hosi rai sempre preokupa, Foti matan ba maromak hosi orasaun hateke ba ema seluk ho karidade, lahanoin an deit, la Hateke ba an, la Halo fuan toos hasoru ema seluk, no labele hare liu ba ita an deit,”Bispu hakotu Omília
Entretantu, hosi parte seluk, Prezidente Repúblika Demokratika Timor-Leste, Fransico Guterres “Lu Olo”, mos hatutan hodi hatoo mos mensajen ba Povu sira iha Tempu Koaresma, katak ema ida ida presiza halo reflesaun klean ba moris no hadook an hosi tentasaun
“Ha’u nia mensajen ba povu sira iha koarema, ita hotu tenke halo orasaun ba ita nia an, no presiza halo reflesaun barak iha moris no hadok an hosi tentasaun,”Mensajen Badak hosi PR Lú Olo.’ (jxy)
923 total views, 3 views today
