Díli (timorpost.com) – Tanba falta Kontrolu hosi parte kompetente, negosiante sira avontade okupa estrada públiku hodi halo negósiu.
Tuir informasaun ne’ebé Timor Post, asesu iha Domingu (26/02/2023), katak iha estrada públiku balun iha sidade Díli, Negosiante sira sempre okupa hodi halo negósiu iha tempu lorokraik to’o kalan.
Situasaun ne’e lamenta hosi públiku no públika iha Média Sosiál Facebook ho naran Ximenes Jin-Sho, katak negosiante sira okupa estrada iha parte Delta Elemloi nian hodi fan sasán iha lorokraik to’o kalan.
Sidadaun ne’e preokupa tanba perturba movimentu transporte públiku no privadu ba iha área refere.
Tanba ne’e nia husu ba parte seguransa atu halo kontrolu ba fatin Elmloi, Delta, Postu Administrativu Dom Aleixo, Munisípiu Dili.
“Sira faan taka tomak Estrada halo transporte públiku no privadu halo movimentu ladi’ak,” nia hateten.
Nune’e Nia husu mós ba parte Governu liuliu Autoridade Munisípiu Dili, atu kria mós kondisaun ba vendedór sira ne’ebé iha parte Elmloi, hodi bele halo negósiu.
Enkuantu to’o notísia ne’e hatun, seidauk halo konfirmasaun ba parte relevante sira kona-ba situasaun ne’e.
1,858 total views, 3 views today
Bele hare Video Seluk :