ADVERTISEMENT

Dom Virgilio: “Loron ida atu agradese ba Maromak”

Timor Post - Dili · Relijiaun
  • Share
Labarik sira faan bandeira iha Selebrasaun Restaurasaun Independensia 20 Maiu 2021. (Foto TP Jaime Pires)

DILI (Timor Post) – Maromak nia Domin ne’ebé nunka abandona povu Timor-Leste (TL) ne’e nia ístoria no luta ba nia liberdade mak iha loron 20 Maiu 2021 ne’e hotu-hotu tenki agradese ba Graça ne’ebé hetan ona.

“Povu TL. Povu asuwain. Povu fiar nain. Komemora aniversariu restaurasaun indepensia ba dala-19, hau nia parabens ba povu doben ida nee. Loron ida atu foti matan hateke ba leten, agradese ba Maromak, nunka abandona povu ida nee nia istoria no luta ba nia liberdade.”

ADVERTISEMENT
SCROLL FILA BA NOTISIA

Mensajen ne’e hato’o husi Arsebispu Metropolitana Dili, Dom Virgilio do Carmo da Silva, SDB liu husi konferensia imprensa iha kamara eklaziastika Lesidere, Kuarta, (19/05/2021).

Lee Mós:
UDMTL Hato'o Asuntu Rua ba PR Horta

Arsebispu hateten, loron 20 Maiu 2021 nu’udar loron ida atu hateke ba kotuk. Atu agradese ba Timoroan hotu ne’ebé kontribui ona ba TL atu ukun rasik aan. Ba sira neebe mate ona. Liliu sira ne’ebé naran la tama iha lista. No naran ema la temi. Atu Maromak haraik ba sira rahun diak lalehan nian.

Hateten Arsebispo, restaurasaun independensia ba dala-19 iha situasaun defisil. Nune’e, kunvida hotu-hotu atu kaer liman hamutuk hateke ba oin. Hamutuk hakat ba oin. Husik ida-idak nia interese.

“Husu ba ida-idak nia aan. Saida mak ita tenke halo atu ita sai husi susar nee. Liu tiha akontesimentu 4 Abril 2021, saida mak ita haree. Timoroan rasik husi rai laran no rai liur. Sira sente la hakmatek, haree nia maluk hakat ne’ebé iha susar laran,” katak Arsebispo.

Lee Mós:
PNTL Sei Aprezenta Menus Rekursu ba MI

Hateten Arsebispo, situasaun ne’e obriga barak mak la tauk atu hakat ba sentru akontesimentu. La moe atu lolo liman fó tulun maluk sira ne’ebé iha susar laran. Maibé soliedariedade nu’udar Timoroan katak Arsebispo, mak bele halo diferensia ida ba jestu ne’e. Parabéns ba Timoroan.

Dehan Arsebispo, inimigu Timoroan seidauk hotu. Covid-19 obriga ita atu hamutuk luta foun hodi halakon tiha. Inimigu ida nee presiza timoroan hotu atu ita lolo liman duni. Maibe ita balu la kohi hola parte. Ita luta ida ne’e mak ita sei agonia nafatin.

Lee Mós:
Ministru Miguel Hapara Imediatu Asaun Autoridade Lokál Ko’a Subsídiu

“Loron restaurasaun nian ba dala-19. Ida ne’e uniku. Maske laiha barullu barak, la signifika ita atu husik liu deit. Maibé situasaun ne’e duni mak obriga ita atu hafoun ita nia espiritu nasionalizmu,” katak Dom Virgilio.(61L-Lee notísia seluk iha jornál Timor Post)

 133 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Dom Virgilio: “Loron ida atu agradese ba Maromak”” A few seconds ago
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: