Dili (timorpost.com)—Estudante Institutu Superiór Cristal (ISC) hosi Fakuldade Siénsia Saúde, Departamentu rua mak hanesan enfermajen no parteira halo juramentu hodi ba halo estájiu.
“Misa ida ne’e ba estudante sira hosi fakuldade medisina, departamentu enfermajen no parteira mak halo hala’o juramentu atu nune’e sira tun ba halo estájiu profisionál iha hospital, sentru saúde no postu saúde sira”, dehan Dekana Fakuldade Siénsia Saúde ISC, Faviola F. M. Soares, ba jornalista Timor Post iha Igreja Katedrál Dili, Kinta (04/05/2023).
Nia hatete, ida ne’e kultura Fakuldade Siénsia Saúde nian, antes estudante sira atu tun ba estájiu tenke halo uluk juramentu profisaun hodi nune’e estudante sira prepara-an atu hala’o sira nia estájiu.
Estudante ne’ebé halo juramentu ne’e hamutuk 1003 hosi departamentu rua mak hanesan enfermajen no parteira. Estudante sira ne’ebé halo ona juramentu profisaun, tanba sira halo ona ezame kompeténsia
Estudante sira ne’ebá hala’o estájiu iha Hospital munisípiu sira mak hanesan Hospital Horex Baukau, Referral Maliana no Referral Maubise, ida ne’e ba departamentu enfermajen no ba departamentu parteira sira sei hala’o estájiu báziku iha Dili laran no mós espesialidade iha Hospital Nasionál Guido Valadares (HNGV)
“Ha’u husu ba estudante sira tun ba estájiu buat ne’ebé importante mak étika, iha étika mak ita nia kuidadu no buat ne’ebé mak ita fó ba pasiente sira mós simu ho di’ak, implementa saida mak durante ne’e aprende iha eskola no ba aplika iha hospital, iha sentru saúde ne’ebé mak sira estájiu ba tenke fó kuidadu ho domin ami nia mahein no manorin”, nia hakotu.
1,453 total views, 3 views today
Bele hare Video Seluk :