Dili(timorpost.com)—Edukasaun la hamriik mesak de’it, maibé halo servisu koletivu entre inan aman, igreja, estadu, governu no instituisaun sira hotu presiza lala’ok idak.
“Ita hatete katak, edukasaun ne’e la hamriik mesak de’it hanesan ne’e, maibé halo servisu ida koletivu entre inan aman, igreja, estadu, governu no Instituisaun hotu-hotu presiza harii lala’ok ida, saida mak ita bele halo ba labarik sira hodi minimiza ita nia labarik sira hanesan tropal”, dehan Madre Guilhermina Marçal, ba Jornalista iha Otél Timor, Kinta (04-05/2023).
Nia hatete, labarik sira la ba eskola, maibé fan ai fuan iha dalan ninin sira, ne’e sira lakon ona sira nia fururu, tanba ne’e presiza koletividade hodi lori mudansa ba labarik sira no juventude sira nia futuru.
“Ita haree labarik sira fan ai fuan iha dalan ninin, ne’e sira lakon ona sira nia futuru, futuru ne’e iha sira nia liman, tanba presiza koletividade servisu hodi bele lori mudansa ida ba ita nia oan no juventude ba iha futuru”, nia tenik.
Hosi parte seluk, labarik sira la kriativu, maibé sira halo fali akresivu tuda ema, baku ema, ida ne’e ke hahalok ida ladi’ak.
Tanba ne’e iha workshop refere, Madre Guilhermina, hatete edukasaun no formasaun ba adolsente no joven sira nia karakterístiku hodi tau aas sira nia-an ho loloos hanesan feto ho mane.
“Joven no labarik sira ohin loron iha ita nia rain, ita la haksolok de’it ho ida ne’ebé buras, maibé ita haree ba edukasaun formasaun ba adulsentes no joven sira nia karakterístika atu respeitu ita nia-an hanesan feto no mane loloos tane aas sira nia dignidade hanesan sidadaun ida ne’ebé hetan responsabilidade ba futuru”, Madre subliña.
Família mak sai parte intengrante pertinente tebe-tebes formasaun Edukasaun karakter oan sira nian ba futuru no mós apoiu hosi igreja no instituisaun hotu-hotu, la’ós de’it ho sasán, maibé ho paixaun no domin hodi akompaña hodi forma joven sira.
1,470 total views, 3 views today
Bele hare Video Seluk :
Subscribe to Timorpost
