ADVERTISEMENT

Xanana Tebe Bola Dahuluk: FC Lalisuk Kampiaun ATONI-CUP 2021, Taxa Tohar

- Dili · Raeoa
  • Share
Foto Hamutuk

Jornalista Estajiáriu Mariano Do Santos / Editór Noémio Falcão

Dili (Timor Post)—Klubu Futebol (FC sigla Portugués) Lalisuk sai kampiaun ba taxa Atoni (Atoni Cup) 2021. Jogu finál hala’o iha loron 28 Novembru, iha  kampu futebol Kampung Baru, Don Bosco Komoro, Dili.

ADVERTISEMENT
SCROLL FILA BA NOTISIA

Taxa ne’e abertura iha loron 14 fulan Setembru hodi komemora loron 28 Novembru-Proklamasaun Independénsia RDTL ba-dala-46 no Líder Nasionál Kayrala Xanana Gusmão mak tebe bola dahuluk.

Eventu ne’e organiza husi Movimentu Estudante Tane Oe-cusse (METO).

Prezidente Komisaun Organizadora Taxa Atoni, Zecafriado Afulit Co’a hatete, sira organiza taxa ne’e ho inisiativa rasik ho espíritu voluntarizmu, patriotizmu, nasionalizmu no hetan apoiu máximu husi Líder Nasionál Kayrala Xanana Gusmão.

Lee Mós:
Horta Prontu Simu Desizaun Povu

“Objetivu atu hametin lasu amizade entre Oekusi Oan no fanun espíritu Oekusi oan atu bele hakuak metin unidade nasional,” Zecafriado subliña hafoin fogu finál entre FC Bobometo Vs FC Lalisuk.

Klubu ne’ebé partisipa iha taxa ne’e hamutuk 23.

Jacinto Rigoberto reprejenta Líder Nasionál Kayrala Xanana Gusmão admira tebes ho METO konsege realiza eventu ne’e ho rejista klubu barak liu suku iha Oekusi 18.

“Lori Maun Boot Kayrala Xanana Gusmão nia fatin hatoo hakuak boot ba atoni oan sira hotu, tanba bainhira atu hahú eventu ida ne’e, komisaun organizadora aproxima no halo kordenasaun ho ami atu oinsá bele hasoeu ho maun boot, bainhira kuandu ba forma no relata ba maun boot, nia senti kontente teb-tebes mak nia hola parte kedas iha momentu inisiu eventu ida ne’e,” Jacinto subliña.

Lee Mós:
KAK Halo Operasaun Buska no Apreensaun iha APORTIL Kona-ba Ró Tranship II

Iha oportunidade, Reprejentante Prezidenti Autoriedade, Rejiaun Administrativa Espesial Oekusi Ambenu (RAEOA) liuhusi gabenete Zona Ekonomia Espesial Sosial Merkadu (ZEESM) Nilton Pereira, kongratula METO nia susesu.

“Ha’u foti moto husi ita METO katak, sei bainhira ita boot ko’alia baikenu, ita boot hanesan atoni oan, maibé kuandu ita boot ko’alia tetun, ita boot hanesan Timor Oan, ne’ebé ita sira iha ne’e mesak Timor oan de’it, hatudu ona ezemplu di’ak ida ba 12 munisípiu katak ita juven mos bele,” Nilto komenta.

Entretantu iha selebrasaun FC Lalisuk manan taxa ho osan $500 entusiazmu tebes, hiit taxa hodi selebra no hasai foto to’o taxa rahun.

Lee Mós:
Selebra Loron Matebian, Karreta Travel Dili-Ermera Presu Normál

“Sira kontente demais foti sira nia treinador hiit so’e sa’e, depois sira kaer hela taxa ou piala ne’e, entaun konsekuensia monu, treinador mos monu,” Koordenador METO, Paulo Cono Falo haktuir ba Jornalista sira.

FC Lalisuk aleinde sai kampiaun, klubu ne’e nia jogador mak hatama golu barak liu (top scor) no baliza di’ak liu (melhor guarda rede)

Entretantu kapitaun FC Lalisuk, Salvador Lona’e hatete, taxa ne’ebé rahun hanesan dezastre ida husi sira nia selebrasaun vitória ne’ebé sira hetan.

“Ha’u sente normal tanba dezastre ita la hatene, tanba dezastre mak ohin monu, ha’u sente triste uitoan tuir loloos ne’e ita lalika halo rahun mais ba ha’u la problema,” Salvador hatete.

 724 total views,  3 views today

  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: