DILI(TimorPost)—Joven timor-oan hirak ne’ebé halo ona aplikasaun ba vaga servisu Austrália via online iha iha loron 6 to’o loron 17 fulan Marsu 2023, katak rezultadu hosi vaga ne’e Diresaun Nasionál Empregu Exterior, Sekretáriu Estadu Formasaun Profisionál no Empregu (SEFOPE), sei fó sai iha tempu besik.
Diretór Jerál SEFOPE, Paulo Alves, hatete, tuir loloos publika tiha ona, maibé iha fulan Dezembru tinan kotuk SEFOPE publika sai tiha naran sira ne’e, maibé husi aplikante 41.000 iha aplikante 14 mil nia naran lakon iha sistema no sistema akapta de’it aplikante 10.000, maibé ikus mai ekipa avaliasaun halo ba kandidatu 200 mak bele tama ona iha kritériu.
Entaun haree ba númeru ne’ebé la prienxe ba vaga ne’ebé governu Australia husu nune’e maka SEFOPE husi loron 6-17 fulan Marsu 2023 halo fali prosesu foun ba kandidatu timoroan sira hodi rejista no tuir fali aplikasaun no ikus liu rejista kandidatu ka aplikante hamutuk 55.380 maka aplika iha sistema online nee.
“Ita sei publika sai naran depois eleisaun, tanba saida maka publika depois eleisaun, tanba eleisaun nee ema barak sei okupadu, entaun depois dia 21 Maiu Eleisaun liu tiha sira haree naran sira nee hodi bele publika sai “, nia dehan ba Timor post iha Sala Trade Invest, Kolmera, Kinta (04/05).
Nia hatete, Vaga ne’ebé mak governu Australia husu mai timoroan sira iha tinan ida ne’e hamutuk 8 mil vaga, maibé dezafiu ne’ebé agora Timor Leste enfrenta hela maka kona-ba pasaporte, tanba foin lalais timoroan kuaze 300 resin mak la konsege ba Australia tanba pasaporte laiha. No sira ne’ebé mak antes ba tiha mai fali mós hanesan pasaporte mate tiha ona atu tau karimbu ba mós ema la konkorda.
“Iha semana kotuk ami enkontru iha Australia semana kotuk, ha’u mós rekomenda ona ho embaixadora para bele ko’alia ho Australia Husu para ko’alia ho sira bele ka lae pasaporte ne’ebé mak iha, maibé mate tiha ona bele tau karimbu iha Australia bele ka lae, maibé sira la konkorda, sira hakarak pasaporte foun” nia dehan.
Tanba ne’e nia husu ba Ministériu Justisa atu rezolve lalais problema pasaporte atu nune’e bele fasilita timoroan ba servisu iha rai li’ur.
48,239 total views, 3 views today
Bele hare Video Seluk :
Subscribe to Timorpost
