DILI—Agência Naçional para a Avaliação e Acreditação Académica Instituto Público (ANAAA.I.P) ofisialmente halo lansamentu ba programa Akreditasaun Institusionál no programátika iha tinan ida ne’e nian.
Nune’e ANAAA.I.P, hahú konvida Universidade sira hotu no mós membru Konsellu Diretivu ba ANAAA.I.P ninian iha salaun Delta Nova, Sesta (18/03).
To’o agora ANAAA akredita ona Ensinu Superiór 16 tantu Públiku nó Privadu, iha tinan ida ne’e mós ANAAA sei halo akreditasaun ba Institute Boaventura Timor-Leste.
Tuir planu tinan oin sei halo akreditasaun ba universidade Catolika Timor-Leste, ANAAA mós halo ona akreditasaun 155, diploma, programa lisensiatura no mestradu, tuir planu tinan ida ne’e ANAAA sei kontinua realiza Akreditasaun Institusionál.
“Sira ne’ebé mak Akreditasaun Institusionál maka UNTL, UNPAZ, UNDIL, UNITAL, DIT, IOB, ICS, ISC, ISFIT, IPDC, IFFS, ICFP, ICFP, ECI, sira ne’e mak 16 hetan akredita tiha ona,” Diretór Ezekutivu ANAAA, l.P. Nilton Paiva, hateten ba Jornalista sira iha Salaun Delta Nova, Sesta (18/03).
Enkuantu, ba sira ne’ebé mak seidauk akredita ne’e mak UDTL, ne’ebé iha tinan ne’e mak ANAAA.I.P sei halo aplikasaun ba sira no UCT planu ba tinan oin.
Tanba ne’e mak Akreditasaun Institusionál hamutuk 16 sei iha kursu 35, ne’e mak ANAAA.I.P sei haree husi UNTL nian maka kursu maioria edukasaun, UNPAZ husi fakuldade Ekonomia no Enjeñaria no mós sira nia Mestradu depois iha IPDC nian maka sei avansa ba akreditasi office management ho téknika komputasaun, IOB nian mak sei avansa ho Kursu Turizmu no DIT mós sei avansa ho turizmu Thu Rentravel ne’e.
“IFSS Amu sira nian sei avansa ho Filosofia Sosiál, ICFP Baukau Marista nian ne’e mak sei avansa ho Kursu Basic Training for Education, IPB nian mak husu sira nia Life Stock ho Life Straining ne’e, ida ne’e mak sira akredita,” Diretór Ezekutivu ANAAA, l.P ne’e relata.
Enkuantu, Diretora Jerál Ministériu Ensinu Superiór Siénsia no Kultura (MESSK), Maria Filomena Lay, hatete, lansamentu Akreditasaun Institusionál ne’e importante tebes ba kualidade Ensinu Superiór no prosesu avaliasaun.
“Atu kontribui ba rekursu umanu ne’ebé mak kualidade iha ita nia rai, ANAAA organiza husi parte hotu-hotu atu bele partisipa iha lansamentu ida ne’e, liuliu Universitáriu sira,” nia dehan.
Iha fatin hanesan, Gabinete Primeiru Ministru (PM), Azevedo Lourenco da Costa Marçal, hatete, iha mós parseiru sira no Embaixada ne’ebé mak durante ne’e apoiu Timor-Leste ho sira nia peritu internasionál sira ne’ebé mak iha prosesu avaliasaun no akreditasaun husi Malázia, Filipina, Indonézia no Austrália, sira haruka sira nia peritu sira atu ajuda ita ninia prosesu avaliasaun no akreditasaun.
“Ita ko’alia kona-ba oinsá mak atu eleva liután ita nia kualidade Ensinu Superiór, iha peritu balu hatete katak, ita nia kualidade ne’e hanesan jornada ida ne’ebé mak ita tenke hahú ho pasu ida no pasu rua mak iha tan pasu sira tuir mai hahú la’o mak depois ita halo melloramentu,” nia hateten.
Entaun ida ne’e mak ohin sira ne’ebé partisipa iha ne’e, rona no fó kontribuisaun para oinsá mak ida-idak nia hamutuk para hadi’a kualidade Ensinu Superiór Timor-Leste nian.
“Tanba sá mak ita hotu-hotu serbisu, tanba ita nia dezafiu mai oin ne’e boot, hanesan antes iha Dezafiu ita mós iha rezultadu durante tinan 21 ita iha atinjimentu lubuk ida ne’ebé ita halo, liuliu iha ita nia Independénsia Polítika ne’e, ita iha ezemplu Timor sai hanesan ida ne’ebé mak ho demokrasia di’ak,” nia dehan.
Iha mós liberdade Imprensa, Nivel Pontuasaun mós aas teb-tebes, ho ida ne’e mós Timor-Leste iha prosesu sira seluk em termos transparénsia kontabilidade, depois ba iha índise ba persepsaun ne’e Timor mós halo progresu di’ak tebe-tebes kompara ho nasaun sira seluk.
Enkuantu, iha partisipasaun lansamentu ne’e husi Universidade Akreditasaun Institusionál hamutuk 16 no konvidadu sira, nune’e mós halo zoom ho nasaun tolu ne’ebé mak mensiona ona iha leten.
3,283 total views, 3 views today
Bele hare Video Seluk :
Subscribe to Timorpost
