Dili (timorpost.com) — Akontesimentu udan boot iha Provínsia Malaka (Nusa Tenggara Timur), halo fasilidade públiku barak hetan estragus no mós ponte Boking ne’ebé ligasaun Malaka, Kupang no Timor-Leste kotu.
Tuir informasaun ne’ebé Timor Post, asesu husi Kupang post fó sai katak ponte Boking ligasaun Malaka ba Kupang kotu tanba udan boot iha tempu hira nia laran.
Ardi Salaha, profisaun hanesan kondutór travel rental movel Malaka-Kupang Indonézia, hatete hanesan kondutór sente triste ho ponte Boking kotu.
“Bainhira ita liuhusi parte Súl nian sente viajen lalais liu ba Kupang, maibé agora ponte Boking kotu hanesan ne’e, hakarak ka lakohi ita tenke foti dalan liuhusi TTU depois ba munisípiu Soe-TTS depois foin mak to’o Kupang,” nia esplika.
Nia dehan, kondisaun ponte boking ne’e at iha tempu naruk ona, maibé ukun na’in sira lakohi tau atensaun no ikus kotu fó impaktu mai komunidade ki’ik sira ne’ebé buka moris loron-loron nian.
Iha parte seluk, Wiglis Polikarpu hanesan Malaka oan konfirma liuhusi facebook hatete sira labele ba Kupang tanba problema ponte Boking ne’ebé ligasaun Malaka-Kupang kotu total.
“Ponte Boking hanesan ponte ida ne’ebé naruk liu iha illa Timor, ne’ebé asesu ba populasaun sira husi sidade Kupang ba Betun, hodi ba Malaka”.
Tan ne’e nia husu ba responsabilidade provínsia NTT atu hadi’a lalais ponte boking atu nune’e movimentu bele lao normal fali.
Iha situasaun ne’e Timor Post tenta husu mós ba kondutór travel ligasaun Dili-Motain Atambua (NTT) dehan travel Timor no paradise nia responsabilidade la ba to’o Kupang to’o de’it Mota-Ain.
3,349 total views, 3 views today
Bele hare Video Seluk :