Dili (timorpost.com)—Klube reprezentante universidade Dili Institute of Tecnologia DIT Fc, fahe Pontus ho ekipa As Marka iha jogu kontinuasaun Liga Timorense, segundu divizaun, estádiu munisipál Dili, Sábadu (18/03).
Jogu kontinuasaun entre klube DIT Fc kontra AS Marka ne’ebé mak realiza iha estádiu munisipál Dili, obrigadu ekipa rua tenke fahe Pontus ba malu, tanba hatudu sira nia forsa hanesan nune’e empate de’it ho score 1-1.
Iha jogu primeiru parte hahú ho ekipa rua hakarak ba kedas ho sira nia tátiku no estratéjia ida-idak ninian, nune’e hatudu sira nia jogu tuir sira nia filozofia jogu, maibé sorte ekipa rua ne’e hanesan, ne’ebé la konsege manan malu.
Maski iha jogu ne’e ekipa rua sempre fó ameasa ba malu no perigu tebes, maibé laiha ekipa ida mak susesu hatama golu rua ba rede adversáriu sira nian, nune’e la konsege manan malu, tanba ekipa rua mai ho formatu ne’ebé mak hanesan.
Iha ne’ebé formatu ne’ebé mak ekipa rua lansa ne’e ho 4.3.3, nune’e halo lansa atake ba malu ho avansadu na’in-tolu iha oin hodi bele aproveita hatama golu, maibé defeza hosi ekipa adversáriu la fó oportunidade ba sira nune’e sira bele hatama golu ba rede.
Tanba ne’e iha jogu primeiru parte ninian ekipa rua la konsege hatama golu ba malu, tanba sorte ba ekipa rua mós hanesan, nune’e sira la halo mudansa ba score nafatin mantein 0-0, hodi kontinua fali ba jogu segundu parte ninian.
Nune’e tama fali ba jogu segundu parte ninian, ekipa rua liuhosi sira nia treinadór ida-idak, halo kedas mudansa ba sira nia jogu inklui tátiku no formatu sira hotu atu nune’e bele hatama golu hodi bele manan iha jogu loraik ne’e nian.
Maibé hakat ba iha minutu 82, jogadór Octavianos Gonçalves lori sorte di’ak ba ekipa As Marka, iha ne’ebá susesu hatama golu ba rede DIT Fc ninian hodi muda score ba 1-0, lidera provizóriu hosi As Marka Fc.
Ho score refere halo ekipa DIT Fc atake halo esforsu maka’as ba AS Marka nune’e bele responde golu hosi adversáriu nian, maibé esforsu sira ne’ebé mak ekipa DIT halo konsege fó duni rezultadu di’ak iha minutu 90+3, sira konsege responde duni golu ne’ebé mak sira sofre.
Enkuantu golu refere hatama hosi sira nia jogadór Claudio Faria, nune’e lori sira nia ekipa hodi halo fali mudansa ba score 1-1, to’o jogu termina laiha tan golu ruma mak akontese ho ekipa rua fahe pontu ba malu ho rezultadu ikus 1-1.
1,371 total views, 6 views today
Bele hare Video Seluk :
Subscribe to Timorpost
