DILI (timorpost.com)–Mosu akontesimentu kalan ne’e iha bairu Sabraka-Laran Aldeia Kulau, Suku Bekora, Sub-Distritu KriAtu-Rei munisípiu Dili, mais ou menus tuku 10 ne’e rezulta joven nain rua kanek grave no nain ida lakon vida.
Tuir informasaun ne’ebé mak Timor Post hetan katak akontesimentu ne’e akontese husi grupu balu entre Arte Rituais 77 ho Arte Marsial IKS-PTL.
Dadaun ne’e vítima nain rua ne’ebé mak hetan kanek grave ne’e evakua ona ba iha Hospital Nasionál Guidu Valadares (HNGV), inklui mós vítima ida ne’ebé mak mate.
Enkuantu informasaun ne’ebé iha vítima ida ne’ebé mak mate iha fatin akontesimentu ne’e husi grupu balun IKS-PTL ninian.
Husi akontesimentu ida ne’e mós rezulta uma balu ou kos rua hetan sunu no estragus, maibé kauza husu akontesimentu ka kronolojia va problema refere seidauk hatene klaru.
Tuir informsau, katak agora dadauk parte seguransa liu-liu Polísia Nasionál Timor-Leste (PNTL), too ona fatin akontesimentu hodi retira situasaun.
Nune’e mós informasaun ne’ebé espalla, vítima nain tolu ida mate no rua seluk hetan kanek grave ne’e sona husi ema na’in ida de’it ka suspeitu nain ida de’it mak sona vítima na’in tolu.
Maibé parte seguransa kamptura ona suspeitu ne’ebé mak sona vítima nain tolu ne’e ka seidauk Timor Post seidauk hetan informasaun klaru.
4,817 total views, 3 views today
