(Reportajen Florindo Coluna/Editor Mateus da Cruz)
DILI (Timor Post)–Reprezentante Prezidente Repúblika Indonézia, Ministru Koordenadór Asuntu Polítika Justisa no Seguransa, Mahfud MD ho delegasaun to’o ona iha Aeroportu Internasionál Prezidente Nicolau Lobato Komoro.
Delegasaun VIP Indonézia mai ho Aviaun militár Marka TNI Angkatan Udara A-7307 no to’o iha Aeroportu iha tuku 10:30 Oras Timor Leste.
Konvidadu VIP RI, Mahfud MD ho nia komitiva simu hosi Ministru Justisa, Tiago Sarmento Amaral, no akompaña hosi Embaixadór RI iha Timor-Leste no Embaixadór TL ba RI, liu hosi tara tais.
Hafoin ne’e Ministru Justisa TL Tiago akompaña bainaka VIP RI tuir protokolu Tama iha Sala VIP Aeroportu no kontinua kedas organiza delegasaun VIP hakat daudauk karreta laran sai kedas hosi Aeroportu.
Bainhira joranlista husu Ministru Koordenadór Asuntu Polítika Justisa no Seguransa Indonézia atu ko’alia ho jornalista Timor Leste maibé konvidadu VIP ne’e hi’it liman de’it hodi tama ba karreta laran.
Tuir informasaun ne’ebe Timor Post asesu, Delegasaun reprezentante Prezidente Repúblika Indonézia ne’e sei ba embaixada Indonézia hafoin ne’e sei ba deskansa iha Hotel Novo Turizmu. (Lee notisia seluk iha Timor Post/Asesu You Tube Timor post)
913 total views, 3 views today
Bele hare Video Seluk :
Subscribe to Timorpost
