Dili(timorpost.com)—Sekretariadu Estadu Protesaun Sívil (SEPS), sei revee uluk lei organika iha (APC-sigla portugés), molok planu atu halo rekrutamentu ba pontu vokais sira hodi rekolla dadus dezastre natural.
Sekretáriu Estadu Protesaun Sivíl (SEPS), Mariano Reis, informa ba Timor Post, hafoin partisipa diskusaun preparasaun orsamentu retifikativu, ne’ebé hala’o iha Auditóriu Kay Rala Xanana Gusmão, Ministériu Finansas, Ai-tarak Laran, Sesta (14/07/2023).
“Dala-uluk ita presiza revee fila-fali ita nia lei orgánika autoridade protesaun sívil, hafoin maka ita haree atu halo rekrutamentu,” nia promete.
Governante ne’e kompromete, hafoin revee lei orgánika sei aprezenta mapeamentu rekursu umanu nian, atu haree prioridade sira maka bele sai baze fundamental hodi koresponde uluk.
Tuir nia, karik nesesidade duni atu rekruta pontu vokál ba rekollamentu dadus dezastre natural iha Postu Administrativu no Suku sira nesesita duni maka sei trasa planu rekrutamentu.
“Sei aprezante mapeamentu ba rekursu umanus, depois ita haree ida ne’ebé maka mais prioridade, ida ne’e maka ita sei halo rekrutamentu”, nia hakotu.
1,476 total views, 3 views today
Bele hare Video Seluk :
Subscribe to Timorpost
