Dili,(timorpost.com)—Misa domingu (19/05), Igreja selebra loron Pentekosta hanesan loron Espiritu nian ba sarani sira nia moris, nune’e tenke hahí no agradese ba Maromak ba buat di’ak hotu ne’ebé nai haraik ona mai ita.
Lia hirak ne’e Amu selebrante loron pentekosta, Padre Parókia Katedrál Dili, Paulus Maya, iha nia ómilia ba sarani sira, iha Parókia katedral Dili, (19/05).
“Ita mós halo tuir ona hahalok ida ne’e, ohin ita selebra domingu espíritu Santu nian, mai ita hamutuk hahí, agradese Maromak ba di’ak hotu ne’ebé nai Maromak fó ba ita hodi haraik mai ita espiritu santu”, Amu selebrante Paulus, informa.
Padre Parókia Katedral hatete, selebrasaun misa ida selebra daudaun solenidade pentekosta ka festa espíritu Santu nian.
“Espiritu tun ba apóstolu sira iha Senadu depois sira halo orasaun hamutuk ho Maria Santísima durante loron sia”, Padre Paulus, hateten.
Amu Selebrante afirma, iha pasajen evanjellu nian, salvasaun Maromak oan mane mesak Jesus dehan bele fó pedua ba sala hotu, maibé sala ida mak labele fó pedua mak sala hasoru espíritu Santo.
“Maibé iha pasajen seluk evanjellu nian, Jesus dehan sala hotu bele perdua, maibé iha sala ida de’it mak labele perdua sala ida ne’e mak sala hasoru espíritu Santu”, Padre Paulus afirma.
Tuir Bibi atan ne’e katak, selebrasaun pentekosta ka ho naran seluk espiritu Santu tun ba aspostolu sira no Maria Santisma, Pentekosta akontese depois liu tiha loron lima nulu paskua nia iha tradisaun juidaika festa ida ne’e festa espíritu Santu, hakmatek konsoladu iha sira nia susar.
Tanba ne’e ikus mai liafuan espíritu santu nian ne’e liafuan domin nian, ka ho liafuan seluk prezensa espíritu Santu halo milagre domin boot ida katak, sira ho sira bele simu malu rona malu no sai ida de’it.
“Domingu pentekosta domingu de milagre, milagre tanba aspostolu sira bele ko’alia lia oin-oin liafuan di’ak nian, liafuan unidade, liafuan dame, liafuan moris iha domin. Liafuan sira ne’e liafuan dame nian, liafuan ne’e hahalok perdaun nian, katak sira hahú haklaken Jesus no Igreja ba ema hotu-hotu”, Amu Paulus esplia.
Nia subliña, maluk sarani doben sira importánsia saida ita selebra presiza espiritu Santu ba ita-nia moris, espiritu santu maka terseira pesoa ka ema ba dala tolu iha Santisma trindade.
Entaun ida ne’e signifika espiritu Santu labele haketak husi nai Maromak padre no filhu, tanba sira Maromak ida de’it espiritu Santu nu’udar Fransa ida Maromak nian.
Nune’e bainhira hahú orasaun ida ita sempre temi hodi padre hodi filhu hodi Espiritu Santu ka ita hahí Maromak ita dehan glória ba padre ba filhu no espiritu Santu. Ba ita nia moris hanesan sarani ita hotu presiza espiritu Santu nia prezensa no tulun iha ita nia moris, tanba ne’e selebra festa iha loron ida ne’e ita halo novena pentekosta reza durante loron sia hodi husu espiritu santu nia tulun.
1,731 total views, 6 views today
Bele hare Video Seluk :
Subscribe to Timorpost
