ADVERTISEMENT

Gali Freitas Assina Kontratu Foun ho Klube PSIS Semarang Indonézia

Liduway Xavier - Desportu · Internasional
Jornalista : Jaime Pires
Editor : Liduway Xavier
  • Share

DILI, (trimorpost.com)— Jogadór Avansadu Selesaun Nasionál Timor-Leste, Paulo Domingos Gali Freitas, assina kontratu foun ho klube primeira divizaun PSIS Semarang Indonézia.

Ho asinatura ne’e, Gali Freitas, sente kontente tebes tanba klube kontinua fó konfiansa ba nia hodi sira servisu hamutuk nafatin liuhosi kontratu foun ne’ebé mak fó ba nia hodi assina.

ADVERTISEMENT
SCROLL FILA BA NOTISIA


“Ha’u kontente tebes tanba ha’u-nia kontratu tuir loloos remata iha epoka ida-ne’e, maibé klube haree ha’u hatudu progresu di’ak no kontribui maka’as entaun horseik sira konsege fó kontratu foun to’o termina iha tinan 2026”, Gally Freitas, informa via telefone, Tersa-feira, (13/02).

Lee Mós :
UN Women Apoiu Dolar Amerikanu Rihun 600 ba Prevensaun Konflitu iha Timor Leste

Nia aumenta, kontratu foun ne’e kontente maibé hanesan servisu todan ida ba nia nune’e kontinua esforsu an nafatin hodi reforsa klube refere kompete iha liga divizaun dahuluk Indonézia nian.

Tuir Nia, iha tinan kotuk klube refere sosa ho kontratu tinan ida de’it ka epoka ida, maibé haree nia kontribui maka’as liuhusi golu sira ne’ebé mak nia hatama no fó asistensia ba nia kolega sira hatama golu, entaun klube hakarak aumenta nia kontratu.

Lee Mós :
Laiha Fatin ba Grigorio Assume SekJer FFTL

Eis jogadór Klube AD.SLB Laulara ne’e dehan, daudaun ne’e nia konsege hatama ona Golu 9 no fó asistensia dala lima ona, nune’e lori sira nia ekipa okupa pozisaun segundu iha tabela klasifikasaun Liga Primeiru Divizaun Indonézia nian.

“Ne’ebé ha’u sei esforau maka’as nune’e bele responde konfiansa ne’ebé mak klube fó mai ha’u, agradese mós ba inan aman no família tomak iha Timor-Leste no kolega sira hotu nia suporta mai ha’u,” deklara Nia.

Lee Mós :
PM Portugal no PR Horta Diskute Dezenvolvimentu Iha Timor Leste

Atu hakotu nia promete, kontinua treinu no esforsu hodi halo adaptasaun di’ak liután nune’e bele hatama golu barak liután hodi hamorin Timor-Leste nian naran liuhusi klube PSIS Semarang Indonézia.(*)

 969 total views,  18 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Gali Freitas Assina Kontratu Foun ho Klube PSIS…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No