DILI, (timorpost.com) Sekretáriu Estadu Formasaun Profisionál no Empregu (SEFOPE), Rogério Araujo Mendonça, husu ba joven sira prepara-an liuliu hasa’e koñesimentu ka kapasidade iha lian Inglés tanba merkadu traballu ka servisu barak iha nasaun amigu sira barak liuliu iha Japaun.
“Oportunidade di’ak tebes mai iha timoroan, ita-boot sira akompaña, uluk serimónia despedida ba ita-nia trabaladór sira hamutuk dala-3 ona sai ba Japaun. Ita bele hatete merkadu Japaun ne’e barak teb-tebes, oinsá ita atu prepara ita-nia rekursu sira, ita-boot sira akompaña iha Timor iha de’it sentru tolu maibé ne’e mós sentru swasta (privadu) la’os kontrolu husi SEFOPE”, dehan Sekretáriu Estadu SEFOPE, Rogério Araujo Mendonça, ba jornalista sira iha salaun SEFOPE, Kaikoli, Kuarta, (07/02).
Nia hatutan, Ba oin SEFOPE presiza harii sentru pilotu ida, sentru formasaun lokaliza iha kapitál Dili atu nune’e joven sira bele asesu ba iha sentru formasaun e depois asesu mós ba merkadu.
“Oportunidade di’ak, fábrika sira presiza, agrikultura no mós peska, ami sei enkontru orsida kalan hamutuk ho embaixadór Japaun, JICA, ami mós hetan informasaun husi sira kona-ba oinsá ba oin loke sentru formasaun liuliu iha kapitál Dili”, nia afirma.
Tanba ne’e, importante mak prepara joven sira para bele ba servisu iha Japaun tanba Governu lokál Japaun nian informa ona katak preparasaun joven sira importante mak hasa’e kualidade iha lingua no koñesimentu kona-ba kultura Japaun nian.(*)
4,392 total views, 3 views today
Bele hare Video Seluk :
Subscribe to Timorpost
