DILI–(timorpost.com) Loron Mundial Traballador sira, Observador Universidade Dili (UNDIL) Hugo Lourenco, husu governu tenke dignifika traballador sira, hasae salariu neebe mak diak ba servisu nain sira.
“Ohin loron mundial traballador nian, maibe keta selebra deit, vantajen saida mak ita hetan husi loron mundial traballador nee”, Hugo Lourenco hatoo asuntu nee ba timor post, Segunda (01/05).
Maibe oinsa mak governu tenke dignifika traballador sira nia moris ho saida, liuhusi asaun hasae salariu traballador sira nian, pelu menus tenke hasae tuir nesesidade ekonomia rai laran nian.
Hugo hatete, ida para povu sente dehan katak moris dignu, tanba seim traballador dezemvolvimentu labele lao, entaun traballador nee mak xave ba dezenvolvimentu Nasaun nian.
Agora governu tenke halo saida, governu tenke fo kontribuisaun ruma, liuhusi servisu diak ba sira, no fo salariu neebe mak diak ba sira moris.
Tuir nia katak, salariu minimu agora insufisiente hela, maibe oinsa iha selebrasaun loron mundial trabalador nee, governu hasariu minimu tuir vida ekonomia sosial neebe karun nee.
Atu responde ba kestaun sira nee, ema tenke manan salariu neebe mak, maizumenus kada fulan hetan $200 dollar, ida nee bele hatan ona ba ekonomia sosial uma laran nian.
“Agora daudaun ita ho inkondisaun, tanba ho krize ekonomia neebe mak akontese, entaun governu mak tenke garante salariu ida neebe mak diak ba traballador”, nia haktuir.
Molok remata, nia rekomenda ba governu atu diskute lalais salariu neebe dignu ba servisu nain sira, tanba ho salariu ida agora nee sidauk iha kondisaun ajuda ba servisu nain sira nia moris.
2,009 total views, 3 views today
Bele hare Video Seluk :
Subscribe to Timorpost
