DILI, (timorpost.com)— Ekipa husi Millennium Challenge Corporation (MCC) hato’o planu prinsipál liuhosi kooperasaun parseria ne’ebé prioritiza bee, saneamentu no drenajen ba Prezidente Repúblika (PR), José Ramos Horta.
Kargu Negósiu Estadus Unidus Amerika (EUA), Marc Weinstock, hafoin enkontru ho Xefe Estadu hatete, reuniaun parseria no relasaun la’os de’it Governu ho Governu maibé mós ho povu, liuliu apoiu husi MCC nian ba dezenvolvimentu iha Timor-Leste.
“Estadus Unidus no ekipa esforsu barak liután fahe fiar mutuál kompriensaun ne’ebé fahe ona ho ami, ami nu’udar parseiru ida ne’ebé tahan nafatin, no ami nu’udar parseiru ida ne’ebé laran metin hanesan ami-nia foku prinsipál, atu ko’alia kona-ba Millennium Challenge Corporation no projetu ne’ebé ami halo ona hanesan projetu bee, saneamentu no drenajen”, Marc Weinstock, informa ba jornalista sira iha Palásiu Prezidensiál, Bairu-Pite, hafoin hasoru malu ho Prezidente Repúblika, Segunda, (01/04).
Aliende ne’e iha mós projetu edukasaun ne’ebé bolu Talent ka talentu ne’ebé implementa iha Timor-Leste. Projetu hirak ne’e ho valór orsamentu liu millaun $420 husi Estadus Unidus Amerika.
Iha fatin hanesan, Resident Country Director TL MCC, Gretchen “Fihir” Goodhart, hatete, MCC mós servisu hamutuk ho Konta Dezafiu Miléniu nian ne’ebé entidade Timor-Leste nian, liuliu Navál ne’ebé responsável ba implementasaun programa ne’e.
“Entaun, ita halo saida? Ami koko atu harii instalasaun saneamentu ida, ba públiku tratamentu bee-moos no suporta ba ema ne’ebé halo desinfesaun bee iha Dili no mós ba munisípiu 4 seluk ho parseiru adisionál sira Banku Dezenvolvimentu Aziátiku (ADB, sígla Inglés) no Banku Mundiál iha empréstimu, no mós ba abastesimentu bee, ita iha programa ida ne’ebé hanaran hanorin no lidera jerasaun tuir mai husi moris ne’ebé mós koñesidu hanesan talentu, programa edukasaun ne’e foka liu ba estudante sira iha nível sekundáriu, profesór no administradór sira, sira foka liu ba lideransa, tanba iha ekipa ne’ebé furak tebes ka bele muda servisu”, nia informa.
Aleinde ne’e, ko’alia mós kona-ba ai-horis tratamentu bee-moos no nesesidade atu asegura bee, saneamentu no drenajen. Iha mós orsamentu husi povu Amerikanu no kontribuisaun husi Governu Timor-Leste ba Kompaktu.(*)
2,436 total views, 12 views today
Bele hare Video Seluk :
Subscribe to Timorpost
