DILI- Na’in ba Aviaun Aero Dili, Lourenço de Oliveira, hatete, folin Billete Aviaun Aero Dili sei aplika tuir merkadu.
“Primeiru operasaun iha loron 28 fulan Marsu ne’e, kuandu laiha impedimentu ruma ita sei hala’o uluk ba Indonézia, enkuantu Billete halai tuir merkadu, karik hanesan Prezidente Repúblika hatete karik Governu ajuda, konserteza nia presu Billete sei tun liu,” nia dehan iha AINL, Komoro Dili, Segunda (20/03).
Nia hatete, aviaun Aero Dili sei hala’o ninia operasaun ba iha nasaun tuir programa Aero Dili nian katak, nia sei halo operasaun ba nasaun Indonézia semo lor-loron, sei halo operasaun mós ba Surabaya, Singapura, Austrália, China, Filipina, Malázia. Hanesan aviaun hirak seluk ne’ebé semo mai TL, aviaun ne’e mós sei semo tuir ida ne’e.
Empreza Aero Dili daudaun ne’e halo hela rekrutamentu ba aeromosa hodi hala’o servisu iha Aviaun Aero Dili.
“Iha duni Timoroan servisu iha air bus, maibé barak mak ami konvida ona atu mai hamutuk ho Aero Dili, maibé sira lakohi, ne’ebé agora daudauk ami halo hela rekrutamentu ba pramugari, maibé foin mak hetan Timoroan na’in 6, ami presiza liu na’in 20,” Lourenço hato’o informasaun hirak ne’e.
Nia hatete, sei iha tan aviaun segundu maka atu mai tan, entaun sei presija Timoroan barak ne’ebé mak tenke ba hasai duni kursu kona-ba aviaun air bus, tanba iha diferente entre air bus ho Void.
Timoroan ne’ebe antes ne’e iha air bus, parte kompañia Aero Dili bolu maibé sira lakohi tanba sira balun hetan ona servisu di’ak no iha balun ta’uk.
Nia esplika, sistema air bus ho Void la hanesan, tanba air bus tenke tuir estudu mak depois ba filafali, aviaun sira ne’e semo hanesan de’it, maibé servisu prosedimentu la hanesan.
Tuir kapasidade aviaun Aero Dili, nia akumula pasajeiru 162, maibé sei mida ba klase negosiu bo klase ekonomia 151
Entretantu aviaun Aero Dili oras daudauk sei halo hela Charter, tanba ne’e presu Billete tuir ninia tabela rasik ne’ebé estabelese hosi ICAO (International Civil Aviation Organization).
Total traballadór ne’ebé servisu iha Aviaun Aero Dili hamutuk 37, inklui hosi Pilotu too kraik, maibé la iklina hosi Eto, FIU no Catering. Aviaun refere nu’udar Timor nian nia sei para dei’t iha Aeroportu Internasionál Nikolau Lobato Dili.
2,736 total views, 3 views today
Bele hare Video Seluk :
Subscribe to Timorpost
