Oekusi(timorpost.com)—Sekretáriu Rejionál Finansas, Rejiaun Administrativu Espesiál Oekusi Ambenu (RAEOA), Elvira de Carvalho Manat, partisipa iha serimónia lansamentu rega adubu orgániku ho naran “Amo” hosi Filipina ba natar iha Etu, suku Lalisuk, Kinta (22/02).
Programa ne’e, Prezidente Autoridade ho membru RAEOA inklui funsionáriu sai gabinete PA RAEOA to’o Bairru Etu, Aldeia Manuinpena, Suku Lalisuk, Sub Rejionál Pante Makassar Oekusi ho Tum-Tum hamutuk 60.
Prezidente Autoridade RAEOA, Rogério Tiago Lobato, hatete, adubu ida tékniku boot iha rai Filipina uza hodi hasa’e produsaun ba buat hotu-hotu hanesan, hare, modo, batar ai-fuan no seluk tan.
“Ita sei halo buat barak iha rai ida ne’e, tanba ita hodi adubu ida bele hasa’e produtividade hosi tonelada rua bele ba to’o tonelada ualu kada hectares. Ida ne’e, di’ak tebe-tebes ba agricultures no Oekusi. agora tau adubu ba de’it balun seluk ita seidauk tau hodi halo komparasaun ita tau ne’e sa’e tonelada hira no la tau ne’e tonelada hira”, nia subliña.
PA RAEOA hatutan, bainhira hatudu rezulta di’ak maka autoridade sei hatama kuantidade boot atu bele hasa’e produtividade hare nian.
“Ita hakarak hasa’e hare mamramu iha Oekusi atu loron ida ita bele fa’an mós ba Timor laran tomak, tau naran Mamramu husi Oekusi, tanba hare ida mamramu foos ida di’ak tebe-tebes entaun ita tenke hasa’e nia produtividade”, nia hateten.
Serimónia Lansamentu ne’e hetan partisipasaun másimu hosi PA RAEOA, Rogério Tiago Lobato, Koordenadór komisaun ZEESM-TL, João Gonçalves, sekretáriu rejionáis, funsionáriu agrikultura no natar na’in sira.
Sekretáriu Rejionál Finansas, Rejiaun Administrativu Espesiál Oekusi Ambenu (RAEOA) nian, Kinta (22/02).
2,610 total views, 3 views today
Bele hare Video Seluk :
Subscribe to Timorpost
