DILI—Vise Primeiru Ministru no Ministra Solidariedade Sosiál no Inkluzaun (MSSI), Armanda Berta dos Santos, informa, pagamentu ba idozu sira sei realiza iha fulan Jullu tinan ida ne’e.
“Iha fulan Jullu ita sei halo pagamentu ba katuas ho ferik sira,” nia dehan ba Jornalista sira, iha Palasiu Governu, Kinta (01/06).
Nia hatete, pagamentu ida ne’e la’ós foin maka atu realiza maibé kada tinan bainhira tama ona ba fulan Jullu sempre halo pagamentu. Pagamenu ne’e rasik halao dala rua durante tinan ida nia laran.
Dezde inisiu implementa programa ne’e benefisiariu sira ne’eb’e simu pagamentu ne’e hamutuk 98 mil, ho osan kada idozu 57 USD.
Idozu sira ne’ebé atu simu pagamentu iha fulan Jullu ne’e ba benefisiariu sira ne’ebé sira nia dadus iha antes ona, entretantu ba benefisiariu sira ne’ebé foun sei simu iha tinan oin.
728 total views, 3 views today
