ADVERTISEMENT

UNICEF Apoiu Fó Formasaun Ba Ofisiál iha Ministériu Edukasaun

Liduway Xavier - Edukasaun
Jornalista : Dulce Isabel Pires
Editor : Liduway Xavier
  • Share
Foto Hamutuk Ministra Edukasaun ho Reprezentante UNICEF no dirijente sira iha ME.

DILI, (timorpost.com)— Ministra Edukasaun (ME), Dulce de Jesus Soares, hamutuk ho reprezentante Fundu Emerjénsia Nasoens Unidas ba Infánsia (UNICEF, sígla Portugés) iha Timor-Leste, Billa Durrani, realiza workshop hodi fó formasaun ba ofisiál sira iha Ministériu Edukasaun.

“Agradese ba UNICEF, ajénsia ida ne’ebé durante ne’e ajuda teb-tebes edukasaun iha área nível de eniñu pre-eskola no eniñu báziku kuaze sira apoiu tinan barak ona ba Ministériu Edukasaun. Ohin loron ami haree katak bainhira Governo Konstituisionál da-IX tama iha faze ida-ne’e iha 2024, iha faze ezekusaun orsamentu 2024, Ministériu Edukasaun presiza atu kapasita liután dirijente sira iha nível nasionál nune’e mós iha nível munisipál kona-ba oinsá atu uza sira-nia matenek atu halo planu ne’ebé mak di’ak, monitoriza nia implementasaun”, Ministra Edukasaun, Dulce de Jesus Soares, informa ba jornalista sira iha salaun Delta-Nova Kumoro, Kinta, (22/03).

ADVERTISEMENT
SCROLL FILA BA NOTISIA


Lee Mós :
Responde Situasaun Atuál, Igreja Husu Pontu Haat Ba Sarani Sira

Nia hatutan, “Nune’e mós atu halo evaluasaun hodi haree fila-fali, serake rekursu ne’ebé ita tau, kontribui ba planu ne’ebé mak ita iha, la’o duni tuir indikadór sira ou bele atinji alvu ka objetivu husi ita-nia programa”

Tanba ne’e, liuhosi apoiu husi UNICEF mak realiza formasaun ba ofisiál sira kona-ba manajementu ne’ebé di’ak, nune’e fó liu matenek ba dirijente sira iha Ministériu Edukasaun.

Formasaun ne’e sei hala’o durante loron rua hahú ohin no aban, hetan partisipa iha formasaun ne’e kargu sefia sira iha ME hanesan Diretór Jerál, Diretór Nasionál Xefe Departamentu ho Xefe Seksaun sira, Koordenadór Unidade hotu, inklui Prezidente INFORDEPE ho vise.

Lee Mós :
UNTL-WFP Renova Akordu Peskija Konjunta

Ba dirijente sira iha munisípiu, formasaun sei hala’o iha faze tuir mai tanba formasaun daudauk ne’e partisipa de’it husi dirijente sira iha nasionál.

Iha fatin hanesan, Reprezentante UNICEF iha Timor-Leste, Billa Durrani, hatete apoiu UNICEF nian ba Ministériu Edukasaun to’o ohin loron ne’e mak oinsá asegura labarik sira hotu tenke hetan edukasaun ne’ebé di’ak, tanba ne’e, relasaun ho workshop ne’e mak oinsá halo manajementu ka prepara planeamentu ne’ebé di’ak.

“Klaru katak ita hetan dezafiu barak iha área edukasaun maibé hamutuk ho Ministra Edukasaun ita bele rezolve problema sira ne’e hodi alkansa rezultadu ne’ebé di’ak  tebes, no atu garante katak labarik hotu iha Timor-Leste bele hetan edukasaun ida ho kualidade di’ak”, Reprezentante UNICEF ne’e afirma.

Lee Mós :
Mensajen Ikus Eis Ministra Dulce Taka ho Sita Lia Menon husi Nelson Mandela

Durante ne’e UNICEF servisu hamutuk ho ME tanba seitór edukasaun ne’e importante tebes no sai xave ba dezenvolvimentu iha Timor-Leste, nune’e atu hetan kualidade edukasaun ne’ebé di’ak mak presiza hasa’e kualidade manorin na’in sira.

UNICEF mós ajuda ona ME iha materiál ICT nune’e bele tulun manorin na’in sira iha prosesu hanorin liuliu ba sira ne’ebé iha área remotas no la asesu ba internet.(*)

 993 total views,  21 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “UNICEF Apoiu Fó Formasaun Ba Ofisiál iha Minist…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No