Dili(timorpost.com)—Reitór DIT, Salustiano Dos Reis Piedade, husu ba governu liuhosi Konsellu Konsultivu Fundu Petrolíferu (KKFP) presiza jere Fundu Petrolíferu (FP) ho didi’ak.
“Ita haree progresu Fundu Petrolíferu ne’ebé mak ita rona hosi governu katak, ita nia Fundu Petrolíferu agora daudauk ne’e taka ona produsaun, entaun ita hein fali prosesu ba mina posu ba fatin seluk ne’ebé mak sei haree hosi governu, depois mak halo fali produsaun, maibé prosesu ne’e sei la’o hela”, dehan Salustiano Dos Reis Piedade, iha Salaun Enkontru DIT, Kinta (23/03/2023).
Ne’ebé Petrolíferu la renovavel kuandu nia hotu, entaun alternativu sira seluk mak haree kona-ba Turizmu ida ne’e sai alternavu di’ak no haree hanesan Agrikultór no sira seluk ne’ebé mak sai hanesan alternativu hodi bele hatama reseita ba governu.
“Ba turizmu ne’e agora daudauk ita haree iha nasaun viziñu hanesan Bali Indonézia, agora turista sira nakonu no komesa muda ona ba Nusa Negara Timur, ne’e signifika iha tempu ruma fatin sira ne’ebá turista nakonu, entaun sira bele mai ona iha ita nian”, nia tenik.
Entaun governu presiza tenke prepara didi’ak hodi nune’e oinsá bele dezenvolve di’ak liu tan iha setór Turizmu atu sai hanesan alternativu ida.
Depois oleo no gas tempu ruma sei remata, entaun governu presiza kria polítika ida atu fó hatete ba povu sira katak, labele abandona natar sira no labele depende de’it nafatin ba nasaun seluk no labele sosa foos beibeik hosi nasaun sira seluk.
2,067 total views, 3 views today
Bele hare Video Seluk :
Subscribe to Timorpost
