(Reportajen Jaime Pires/Editor Mateus da Cruz)
Dili (Timor Post) – Sekretáriu Jerál Partidu Demokrátiku Antonio da Conceição “Kalohan” ofisialmente deklara fó apoiu ba kandidatu Prezidente Repúblika husi partidu CNRT, José Ramos Horta, iha Eleisaun Prezidensiál segundu volta.
“tenke depende interrese povu nian ho kandidatu ida ho nia votus mais de 300.000 ida ne’e mak ami hanoin posivelmente kandidatu ida ne’ebé mak sai duni ona alternativu, atu bele hadi’a situasaun,” dehan António Kalohan ba jornalista sira liuhusi Konferensia Imprensa iha Sede PD, tersa (22/03).
Nia dehan tan, agora la’os ona tempu atu fó apoiu ba partidu FRETILIN maibé sei fó apoiu ba partidu ida ne’ebé mak votu maioria.
“FRETILIN ninian ami halo tiha ona iha periodu 2020 mai to’o agora ne’ebé ami sente, karik sei iha biban ida atu halo, no ami fó tiha ona,” afirma.
Kalohan hatutan, tanba durante PD fó apoiu ba partidu FRETILIN iha periodu 2020 to’o agora la konsege kompensa PD nia hakarak ne’ebé mak hein durante ne’e.
“Ami hanoin buat ne’ebé mak ami fó tiha ona, la kompensa saida mak ami hein ne’e, tanba ida ne’e mak ami hanoin la’ós ona oportunidade atu hanaruk fila fali espetativa ida ne’e agora povu hein tiha ona desizaun ida ne’ebé lais liu nian, e povu mós terus tiha ona,” Nia deklara.
Atu hakotu Nia dehan, ohin nia parte hanesan Sekretáriu Jerál Partidu Demokrátiku akompaña Vise Sekretariu Jerál PD ofisialmente hasoru kandidatu Kandidatu Prezidente Repúblika ho númeru sorteiu (14), Jose Ramos Horta iha nia rezidensia Faról.
638 total views, 3 views today
Bele hare Video Seluk :
Subscribe to Timorpost
