Dili (timorpost.com)—Ohin suku 10 kompostu husi Munisipiu Dili, Aileu, Manatutu, Vikeke realiza eleisaun Xefe Suku Foun ba periódu tinan 2024-2029. Ne’ebé povu rekomenda hela tau prioridade ba probolema infraestrutura, ne’ebé durante ne’e difikulta hela ba sira nia moris.
Reprezentante Komunidade, Suku Foun Manleuna, Postu Administrativu Dom Aleixo, Munisipiu Dili, Jonas Menezes, informa ba Timor Post, bainhira partisipa votasaun ba eleisaun Xefe Suku Manleuana, iha Sabadu, (27/04)
“Ami husu ba xefe suku foun tau prioriedade ba problema infraestrutura báziku, bee moos, estrada iha suku Manleuana bairru ida idak estrada kuak no laiha barajen iha tempu udan kontribui ba inundasaun, bee tama ba komunidade nia uma”, Jonas, informa.
Nia hatete, relasiona ho eleisaun suku ne’e komunidade aldeia Lisibutak suku Manleuana husu xefe foun ne’ebe manan eleisaun tenke servisu makaas ho liña ministeriais sira hotu hodi implementa dezenvolvimentu iha suku.
“Nune’e mos iha suku refere komunidade balun seidauk asesu bee moos hodi komsumu, nesesidade báziku no mós husu xefe suku reativa fali atividade desportivu ne’ebé antes ne’e kada semana juventude sira joga bola maibé, paradu hela.”,nia hateten
Tanba ne’e xefe Suku foun realiza atividade desportivu, basket, futsal, Futeból, Volleibol, hodi motiva no enkoraja juventude sira hodi promove sira nia kreatividade hodi kria amizade entre juventude aldeia ida idak kria pás hakmatek.
“Ita husu ba Xefe Suku eleitu sira atu iha hanoin organiza no mobiliza joven sira tuir dalan desportivu nian, iha Futeból, Vollebol, basketbol, futsal no sira seluk atu joven sira kria amizade no pás”,nia hateten.
Tanba bairru ida, aldeia ida no Suku ida atu hakmatek, lideransa sira ne’e maka tenke iha estratejia oinsá maka atu hakalma, entaun presiza kria atividade desportu hanesan animasaun ida para halo ema kontente.
1,836 total views, 45 views today
Bele hare Video Seluk :