DILI, (timorpost.com)—Prezidente Komisaun Organizadora ba Kopa Maun Boot Xanana Gusmão, Feliciano Perpeito Ximenes, hatete, iha ona klubu 32 mak rejistu ona partesipa iha Taça Maun Bo’ot Kay-Rala Xanana Gusmão tinan ne’e.
Klubu 32 ne’e kompostu husi, Relay FC, Buradu Fc, Buroma FC, Zhavia FC, Kampung-Alor FC, Mulia FC, Bitaba FC, Surya FC, Letefoho FC, Naimeco FC, Souza United, Coach Eleven FC, As Kantada FC, Dark Blue FC, Daudere Fortaleza FC, Jomar FC, Laivai FC, UEP FC, Aimou FC, Vila Vista FC, Lecidere FC, Ostico FC, H United FC, Laloran FC, Warik Oan FC, Assanami FC, B.D.P FC, Ir Timor FC.
“Kona ba data seidauk fiksu, maibe komisaun tenta atu abertura iha semana oin. Komisaun mós tenta ho ajenda sua exelencia primeiru ministru tanba na’in ba kopa ne’e”. dehan Prezidente Komisaun Organizadora Taxa Xanana Cap, Feliciano Perpeito Ximenes, ba jornalista sira iha salaun, Xanana Sport Center, Kampung Merdeka, Sesta (26/04).
Nia haktuir, Maun Boot Kay Rala Xanana Gusmão fo konfiansa tomak ba Laleia oan hodi responsabliza Taça Maun Bo’ot Kay-Rala Xanana Gusmão.
Feliciano relata, agora komisaun inklui klubu sira diskute hela kona ba technical meeting inklui dada rifa.
“Loron ida ohin ita komesa hakat ba faze ida technical meeting inklui dada rifa husi partisipante klubu hamutuk 32 no koalia mos kona ba regulamentu sira ne’ebe sei aplika iha kopa refere”. Nia informa.
Daudauk ne’e komisaun komesa diskuti ona regulamentu sira, fo sai ona, atleta sira mos konkorda ho regulamentu ne’e. Ita sei la muda regulamentu sei prepara husi komisaun tanba ne’e adopta maximu husi AFC no FIFA nian mos ho ita nia uma fukun federasaun mak durante ne’e adopta, ne’ebé agora daudauk ita komesa atu hakat ba dada rifa ita lori hatene iha ne’e pool hamutuk 8, agora ne’e ita lori hatene klubu atu priense iha ida-idak nia pool 8 ne’e kada pool 8 ne’e iha klubu 4,” Feliciano realata.
Feliciano haktuir, primeiru lugar sei hetan osan ho montante 7.800.00 USD husi Banku BRI mak prepara , segundu lugar hetan 4.500 USD husi Telemor Mak prepara, Terceiru lugar hetan 3000 USD husi banku Mandirino no kuartu lugar ho sira seluk hetan suporta husi Asosiasaun Chinesa, Kompaña Virny Unipessoal Lda, Dellos, no Ministeriu Juventude Desportu Arte no Kultura mos apoiu orsamentu ba Taça Maun Bo’ot Kay-Rala Xanana Gusmão ba tinan 2024.
2,013 total views, 9 views today
Bele hare Video Seluk :
Subscribe to Timorpost
