DILI (timorpost.com)- Timor–Leste presiza urjentimente Lei Sibernetika, hodi regula movimentu utilizador internete iha rai-laran, liuliu kontrola disktribuisaun informasaun falsu sira.
Diretor ezektivu, Fundasaun Hadomi Timor (FHT), Niko Linux afirma ida ne’e ba Jornalista sira iha Farol, Dili, Sesta-feira (04/08/2023), relasiona ho numeru utilizador internete aumenta maka’as, maibe Governu seidauk iha kapasidade atu kontrola kontiudu internete.
“ Governu tenke halo ona lei sibernetika, hodi kontrola no asegura movimentu hothotu iha internete liuhusi Facebook, Whatshap, Gmail no Plataforma internet seluk tan,” Diretor Niko Linux hateten.
Nia dehan, atualmente ema barak aproveita media sosial, utiliza ID falsu hodi publika informasaun falsu (hoax – read) ba publiku. Bainhira la iha meius legal atu kontrola, bele mosu impaktu krime, sosial no ekonomia.
“ Ema uza internet hodi habosok malu, halo hacker ema nia website, no uza ema nia facebook laiha lisensa, foti ema dadus, ka foti ema nia osan iha banku, kopi ema nia segredu ruma sem lisensa,” nia dehan tan.
Antes ne’e, Sekretariu Estadu Komunikasaun Sosial, Exepedito Loro Dias Xiemenes informa, Governu mos tau prioridade ba lei Sibernetika. “ Atuamente esbosu lei Sibernetika iha ona Parlamentu Nasional. Sei hare atu bele aselera diskusaun no aprova lei ne’e,” Exepdito esplika ba jornalista sira iha Dili, semana kotuk.
Tuir dadus Oitavu Governu Konstitusional, husi total populasaun Timor Leste kuaze miliaun 1.3 resin, utilizador internet atinji kuaze ema miliuan 1.4 resin. Numeru bootliu populasaun ne’e, tanba tuir realidade, ema ida uza simcard rua to’o tolu.
2,124 total views, 3 views today
Bele hare Video Seluk :
Subscribe to Timorpost
