Dili (timorpost.com)—Sekretáriu Estadu ba Formasaun Profisionál no Empregu (SEFOPE), haruka tan traballadór timoroan hamutuk 26 ba servisu iha Australia.
Timor oan nain-26 ne’e sei hala’o servisu iha kompañia Barry pays iha Australia.
Team leader Agostinho Pereira, hatete, objetivu própriu ba servisu iha Australia atu hadi’a ekonomia família no hala’o mudansa ba moris. Tanba moris presiza esforsu. husi esforsu hakarak hao mudansa ba moris tenke optimizmu husik familia hodi arranka ba Australia servisu hodi hadia ekonomia familia.
“Hanesan traballadór ha’u sente kontente tanba governu nia esforsu hodi haruka joven sira ba servisu iha rai li’ur”. Dehan Team leader Agostinho Pereira ba jornalista Timor post iha Aeroportu Dili (29/05).
Nia haktuir, ami nia grupu hetan apoiu husi kompañia Barry pays durante Fulan 9.
“Ami hamutuk 26 traballadór selesionadu ba Australia kompostu husi, Mane nain-14 no Feto nain-12”. nia haktuir.
Iha sorin seluk, João Agostinu hatete hanesan traballadór ba servisu iha ema nia rai papél importante mak hatudu dixiplina, komportamentu diak hodi hamorin nasaun Timor-Leste iha ema nia rai.
“Mensajen ba maluk joven sira karik seidauk hetan oportunidade nafatin esforsu no pasiénsia, importante kuidadu saúde no nafatin optimizmu hodi hein oportunidade” nia dehan.
1,286 total views, 3 views today
Bele hare Video Seluk :
Subscribe to Timorpost
