ADVERTISEMENT

Xanana Triste Joven Sira Lakon Espíritu Sidadania

Mario da Costa - Jeral
Jornalista : Mariano Abi
Editor : Mário da Costa
  • Share
Enviadu Espesiál Prezidente Repúblika, Kay Rala Xanana Gusmão, hafoin visita ba Itália ho Indonézia, Imajen Esp.

DILI (timorpost.com) — Lider Istóriku no Enviadu Espesiál Extraordináriu Prezidente Repúblika, Kay Rala Xanana Gusmão, Sesta (09/09), sama ain ona iha Aeroportu Internasionál Nicolau Lobato (AINL) Komoro, hafoin vizita iha Itália no Indonézia.

Bainhira sama ain iha AINL Komoro, nia ko’alia makas, tanba liga situasaun ne’ebé agora joven sira hatudu.

ADVERTISEMENT
SCROLL FILA BA NOTISIA


“Ha’u rona, ha’u triste duni, joven sira lakon tiha espíritu sidadania, ita tenke tau iha ulun hanesan dever boot ida hodi sai sidadaun di’ak ba iha rai ida ne’e”, nia hateten.

Tanba ne’e nia husu ba joven sira, labele haluha katak, aman, tiu, no avó sira karik terus teb-tebes, mate, inimigu oho, mate hamlaha, terus hamlaha, terus kastigu, hotu-hotu atu hetan ukun aan ne’e hodi entrega ba jerasaun foun sira.

Xanana subliña, jerasaun tuan ida, katuas sira ne’e lakon hotu ona, iha tinan 23 nia laran, husi 1999 mai to’o iha ne’e katuas no ferik sira mate hotu ona, la’ós mate ho riku, maibé mate ho terus no mós ho kontente katak, entrega hela rai ida ne’e ba oan sira.

Lee Mós :
Xanana Partisipa Investidura Kardeál Dom Virgílio iha Roma

Tanba ne’e, nia dehan bainhira joven sira lakon tiha espiritu sidadania, nu’udar Timoroan sente katak, rai ne’e iha loron ruma, bainhira imi mak boot hotu ona iha rai ida ne’e, imi la hatene atu eduka imi-nia oan sira, tanba imi-nia ezemplu foin daudauk, ta’a malu, baku malu, oho malu, ezemplu la di’ak ida.

“Ha’u halo apelu boot teb-tebes ida ba Joven sira, atu sente katak, Timoroan hotu-hotu iha dever obrigasaun boot ida, nu’udar sidadaun ne’ebé di’ak, sidadaun ne’ebé respeita malu, husi uma laran rasik to’o iha viziñu no komunidade, kria dame no hametin armonia iha sosiedade,” Xanana afirma.

Xanana aumenta tan katak, ohin loron labarik sira lakon tempu ho de’it Google, Facebook, maibé la buat ida, akompaña uitoan mundu bá, hodi haree katak, mundu la’ós di’ak liu maibé iha mundu ne’e iha funu, iha terus no hotu-hotu ne’ebé iha Rai ne’e, rai Timor nia naran, iha mundu ou nasaun sira foti aas, maski povu Timor ida ne’ebé sei kasian duni, povu ida ne’ebé foin daudauk mak ukun aan.

Lee Mós :
Dekreta Fundu Veteranus Inkonstitusionál, Xanana Hakruk ba Desizaun Tribunál Rekursu

“Tinan 20 la’ós barak, tanba rai barak ukun aan, tinan 80 liu ona atus ba atus hodi sira bele dezenvolve aan. Ne’e duni ha’u halo tuir buat ida, ne’ebé joven sira, hadomi malu ba, fó liman ba malu ba, kria armonia ho dame iha ita-nia rai laran,” Xanana dehan ho triste.

Nia hatutan, hahú husi imi-nia uma laran, viziñu sira, bairru ou komunidade, hodi nune’e hotu-hotu bele fiar katak hamutuk sei lori rai ida ne’e ba di’ak, atu nune’e iha ikus fali mai para iha konfiansa boot, rai ne’e bele husik hela iha imi-nia liman.

“Ha’u triste teb-tebes, tanba imi joven sira lakon tiha ida ne’e, espiritu sidadania. Ne’ebé favór boot ida tuur hamutuk ba hanoin fila-fila ba, la’ós de’it ami katuas ho ferik sira ne’ebé sei hela, tanba barak mak mate tiha ona no agora ne’e mós liu 60% populasaun iha tinan 25 ba kraik,” Líder ne’e repete.

Lee Mós :
Restaura Pás La Fasil, Xanana Aman Nasaun || JEJU FORUM 2023

Xanana afirma tan katak, se imi halo hanesan ne’e la para, labarik ki’ikoan sira ne’ebé tuir imi ne’e mós la para, Timor atu sai loos saida.

“Fó hanoin ba joven sira, sira ne’ebé kaer Arte Marsiais sira ne’e, imi iha responsabilidade boot liu ba sosiedade no barak ida ne’e, atu hanorin labarik sira ne’ebé tama iha ne’ebá, atu labele uza buat ida ne’e hasoru fali ema seluk, ne’e la’ós arte Marsiais”, nia hateten.

Ikus nia apelu ba joven sira atu soe tiha buat aat sira ne’e, hodi deside hanoin foun, hodi sai sidadaun di’ak.

 2,548 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Xanana Triste Joven Sira Lakon Espíritu Sidadania” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No