Dili, (timorpost.com)– Kandidatu xefe suku Bebonuk, Alfredo da Costa, manán maioria iha sentru votasaun Ensiñu Báziku Filiál (EBF) Nú. 2 Bebonuk, iha aldeia Metin 1, suku Bebonuk, postu Dom Aleixo, munisípiu Dili.
Hafoin eleitór iha aldeia Metin 1 halo votasaun ba kandidatu xefe suku sira, Membru Meza Asembleia Jerál, akompaña ho apoiu tékniku STAE nian kontinua kedas halo kontazen votu, ikus mai, kandidatu ho sorteiru númeru 1, Alfredo da Costa, mak sai vensedór iha votus 338.
Rezultadu votasaun ba kandidatu xefe suku Bebonuk iha aldeia Metin 1 mak hanesan tuir mai, kandidatu ho sorteiu númeru 1. Alfredo da Costa, ho votus 338, sorteiu númeru 2. Evaristo da Conseição, ho votus 9, soretiu nú. 3. Isac Aleixo Pinto, ho votus 30, sirteiu nú. 4. Jacinto G. da Costa, ho votus 47, sortéiru nú. 5. Luis Filipe, ho votus 147, no ikus liu sorteiu nú. 6. Serafin Masedo, ho votus 139. Aleinde ne’e, votus 8 nulu, 2 branku, no 2 inválidu.
Totál eleitór iha aldeia metin 1, hamutuk ema na’in-1,322 no totál eleitór sira ne’ebé mak la tuir votasaun hamutuk na’in- 600, no totól eleitór ne’ebé tuir votasaun hamutuk na’in- 722.
Durante eleisaun suku iha aldeia metin1, suku Bebonuk, postu administrativu Dom Aleixo, munisípiu Dili, situasaun la’o ho di’ak tamba hetan seguransa másimu husi OPS no Polisia Nasional Timor-Leste, no observadór husi Komisaun Nasional Eleisaun (CNE).*
1,143 total views, 24 views today
Bele hare Video Seluk :
Subscribe to Timorpost
