DILI-Banku Nasionál Komérsiu Timor-Leste (BNCTL- sigla portugés), fasilita setór privadu no empreza sira asesu ba kréditu liu hosi programa konta korrente.
Prezidente Konsellu Administrasaun BNCTL, António Vitor, hatete, Programa konta korrente ida ne’e kria tanba BNCTL nota katak kompañia barak hasoru difikuldade finansiamentu.
Diferente ho ida uluk. Uluk kompañia manan, sira lori kontratu mai iha banku, hafoin halo prosesa kréditu, maibé presiza tempu naruk, demora liu tiha fulan 2 ka 3 foin mak prosesa sira ba iha kréditu.
“Agora ho kréditu korrente ne’e kompañia sira la presiza hein sira iha projetu mak sira husu kréditu, maibé banku fasilita ona sira atu mai aprezenta de’it sira nia kompañia nia profile, no iha kapasidade atu bele produs osan liuhosi projetu ne’ebé sira iha, sira mai ko’alia ho banku, banku bele hare analiza prosesa no aloka ona kréditu ba sira,” nia dehan ba Timor Post, iha Ministériu Finansas, Kuarta (22/03).
Banku nia papél atu kontribui melloramentu ba prosesu hirak ne’e oinsá atu bele aselera provizaun infraestrutura sira iha nasaun ida ne’e, tanba ne’e liu hosi papél banku nian bele halo hodi finansia projetu hirak liuhosi apoiu kréditu.
“Kréditu ne’ebé banku fasilita liuhosi konta korrente, durante sira hetan ona kréditu maibé seidauk halo projetu, kompañia sei selu ba banku ho de’it commitment fee. Maibé se banku fó kréditu Millaun 1USD ba kompañia mais nia uza de’it 100USD mil, nia kona funan mak sein mill de’it (100USD), kréditu ida ne’e mak banku hanaran konta korrente,” nia hato’o.
Entretantu oras daudauk iha ona kompañia 36 mak asesu ona fasilidade susesu konta korrente ho total orsamentu Millaun 24.4USD.
917 total views, 6 views today
Bele hare Video Seluk :
Subscribe to Timorpost
