Dili (timorpost.com)—Hafoin simu akta rezultadu apuramentu munisipál sira hosi Sekretariadu Tékniku Administrasaun Eleitorál (STAE), Komisaun Nasionál Eleisaun (CNE)hahú halo kedas apuramentu nasionál hodi prosede akta sira hosi apuramentu munisipál.
Verifika no halo desizaun ba votu reklamadu sira inklui reklamasaun ka kaixa sira ne’ebé aprezenta ba CNE durante prosesu eleisaun nian.
Iha abertura ba apuramentu nasionál ne’e, hahú ho plenária ne’ebé mak prezide hosi Prezidente CNE, José Belo no partisipa hosi membru tomak CNE nian, haktuir lei eleisaun parlamentár nian katak, apuramentu nasionál ne’e rasik sei la’o durante oras 72 nia laran ka termina iha loron 26 fulan Maiu tinan 2023.
Provizóriamente CNE halo ona desizaun ba cvotu reklamadu hosi munisípiu Aileu, Ainaru, Ataúru, Baukau no Bobonaru.
Iha apuramentu nasionál ne’e, CNE simu mós keixa no reklamasaun balu liga ho elizitu eleitorál nian.
Loron dahuluk apuramentu nasionál ne’e, marka mós prezensa hosi Xefe Estadu Maiór Jenerál FALINTIL Forsa Defeza Timor Leste (F-FDTL), Tenente Jenerál, Domingos Raul “ Falur Rate Laek” ho Komandante Jerál Polísia Nasionál Timor Leste (PNTL), Henrique da Costa, observadór nasionál no internasionál, fiskais partidu polítika sira, STAE hetan seguransa hosi PNTL no kobertura hosi média sira.
Notísia ne’e Timor Post asesu liuhosi pájina Média CNE nian, Kuarta (24/05/2023).
2,322 total views, 3 views today
Bele hare Video Seluk :