Atleta Na'in 38 Sei Kompete Iha Jogu Sea Games Vietnam

(Reportajen Jaime Pires/Editor Mateus da Cruz)

DILI (Timor Post)- Sekretáriu Estadu Juventude e Despostu (SEJD) Abrão Saldanha ‘Nokosiku’ , informa, tinan ida ne’e kontinjente atleta Timor-Leste nian atu ba Partisipa iha jogu sudeste aziátiku sea games iha Vietnam, hamutuk na’in 38.

SCROLL FILA BA NOTISIA

“Tinan ida ne’e ita nia reprezentante Timor-Leste nia partisipasaun hamutuk atleta 38, kompostu husi modalidade Atletizmu, Taekwondo, Boxing, Natasaun, Karatedo, Helterofelizmu no Futeból rasik,” nia dehan bainhira halo serimónia despedida ba Kontinjente Atleta no Ofisias sira iha Palásiu Governu, Kinta, (05/05).

Nia hatete, Atleta agora na’in-25 mak iha ona Vietname liuliu modalidade Futeból nian, tanba sira iha jogu ne’ebé maka preparasaun iha malázia. Agora iha Timor atu ba tuir tan ne’e hamutuk-13 mak atu sai hamutuk ho ofisiál no treinadór sira ba iha Vietnam

Lee Mós :

Aniceto Deklara, Karik Ramos Horta Eleitu ba PR Nia Prontu Fó Pose

“Atleta sira ne’ebé agora sai daudauk ne’e selesionadu hosi kampionatu nasionál ho liga nasionál mak selesiona ba mellor sira ne’ebé maka ita halo iha ita nia rai laran maka selesiona sira no prepara sira atu ba kompete duni, atu nune’e kompete ho dignidade atu reprezenta ita hotu nia orgullu,” nia esplika.

Entretantu Primeiru Ministru (PM), Taur Matan Ruak, husu ba atleta sira ne’ebé atu kompete Sea Games iha Hanoi, Vietnam, tenke hatudu dixiplina no hatudu rezultadu di’ak ba nasaun tanba atleta sira reprezenta Timor Leste nia naran.

Lee Mós :

Kazu Na’ok Motorizada, Tribunál Aplika Prizaun Preventiva ba Arguidu Na’in-Haat

“Ha’u kontente, imi reprezenta nasaun ba iha jogu sea games, ha’u husu tenke hatudu dixiplina, rona treinadór, Jogadór sira labele ba hare malae nia andár no label ba fa’an matan haluhan tiha toba ne’e dadeer tama kampu labele ona, ohin imi reprezenta ami tomak ne’e, 1,5 miloens, imi susesu ita susesu nasaun iha susesu,” nia hatete.

Nia mós fó obrigadu ba Sekretáriu Estadu Juventude no Desportu hamutuk ho tekniku sira, responsavel sira husi treinadór sira ne’ebé bele fó apoiu jogadór no atleta sira halo esforsu hodi reprezenta nasaun, Timor-Leste tomak.

Lee Mós :

Estudante UNPAZ Ida Mate Ho Tali Tara An

Atleta sira sei arranka ba jogu Sea Games iha Vietname iha loron 09 fulan Maiu hodi reprezenta Timor-Leste nia iha jogu internasionál ida ne’e. (Lee notisia seluk iha Timor Post/Asesu You Tube Timor post)

791 total views, 3 views today

Oinsa Ita nia Reaksaun iha Notisia Nee?