Timorpost.com | POLITIKA – Militante hosi partidu Fretilin ho urjente ezije atu lideransa atual Fretilin hanesan Prezidente Partidu Francisco Guterres Lu Olo no Sekretariu jeral Mari Alkatiri atu hamamuk kargu ezekutivu no konvoka kongresu estraordinariu.
“Ami ezije ba lideransa pontu tolu, auto demisaun, rekonhese sala konvoka kongresu estraordinariu” deklarasaun ne’e hatoo hosi eis membru komite sentral fretilin, Jose Agostinho Siquira Somotcho, Osorio Florindo no Rui Maria Araujo, iha sede Klubu Uniaun Desportiva Dili, Sabadu 27/05/2023.
“Derrota ida ne’ebe depois de 21 anos hanesan derrota nebe umillante, hatuun fretilin”, lamenta Somotcho hodi observa katak atual lideransa partidu hanesan Lu Olo ho Alkatiri konsidera derrota hanesan buat normal.
Eis deputadu Fretilin ne’e konsidera atual derrota responsabiliade no derrota lideransa Troika Fretilin, (Lu olo, Alkatiri, no Lere Anan Timur)
Nia afirma katak eziztensia Troika nee illegal, troika latama iha orgaun partidu nian, maibe mosu hodi akumula deit jeneral Lere Anan Timur tanba dehan fatin laiha.
2,682 total views, 3 views today
