DILI— Sekretáriadu Tékniku Administrasaun Eleisaun (STAE), hahú haruka konvite ba partidu politíku 24 ne’ebé sei partisipa iha eleisaun parlamentár iha loron 21 fulan Maiu tinan ne’e, hodi aprezenta pontu fokál no fiskais iha eleisaun parlamentár tinan 2023-2027.
“Tempu badak, ami sei haruka karta konvite ba partidu politíku sira atu aprezenta pontu fokál ba fiskais sira”, dehan Xefe Departamentu Planeamentu STAE, Domingos Bernabe hafoin partisipa konferénsia Nasionál koligasaun PDRT-APMT iha Salaun CNE ,Kaikoli, Sabádu (04/03).
Nia hatete, STAE la difine partidu A ka B, maibé STAE tau matan ba partidu politíku hotu-hotuiha eleisaun Parlamentár tinan ida-ne’e.
Antes ne’e, Komisariu Komisaun Nasional Eleisaun (CNE), Odete Maria Belo, hatete partidu politiku hamutuk 24 mak sei konkorre iha eleisaun parlamentar 2023 tanba sira kompleta ona rekizitu sira.
Entretantu, partidu politíku hirak ne’e mak hanesan Partidu Milénium Demokrátiku (PMD), Partidu Liberta Povu Aileba (PLPA), Partidu Demokrátika Repúblika de Timor (PDRT), Partidu Assosiação Populár Monarquia Timorénse (APMT).
Partidu Kmanek Haburas Unidade Nasionál Timor Oan (KHUNTO), Partidu Socialista de Timor (PST), Partidu ba Dezenvolvimentu Populár (PDP), Partidu Kongresu Nasionál Rekonstrusaun Timorénse (CNRT), Partidu Republikanu (PR), Partidu União Demokratika Timorénse (UDT), Partidu Demokrata Cristão (PDC).
Partidu Movimentu Libertasaun Povu Maubere (MLPM), Partidu da Libertação Populár (PLP), Partidu Demokratiku (PD), Partidu Unidade da Resisténçia Timorénse (UNDERTIM), Partidu do Unidade Dezenvolvimentu Demokratiku (PUDD), Partidu Timorénse Demokratiku (PTD).
Partidu Frente Mudança (FM), Partidu Social Demokrata (PSD), Partidu Centro Acção Sosial Demokrata Timor-Leste (CASDTL), Partidu do Dezenvolvimentu Nasionál (PDN), Partidu Frente Revolucionário de Timor-Leste Independente (FRETILIN), Partidu Os Verdes no Partidu Dezenvolvimentu Sosiál (PDS).
Enkuantu partidu polítiku sira-ne’ebé Ia konkorre iha eleisaun parlamentar 2023 mak hanesan PartiduAsosicão Social DemocrataTimorense (ASDT), Partidu Klibur Oan Timor Asswa’in (KOTA), Partidu Demokratiku Liberal (PDL), Partidu Unidade Nasionál (PUN), Partidu Repúblika Nasionál Timor-Leste (PARENTIL), Partidu Nasionál Timorense (PNT) no Partidu Traballista Timor (PTT).
“Partidu hirak ne’e, sira nia estatutu lakon ona. Tanba, iha tinan kotuk sira Ia konkorre, nune’e ba eleisaun parlamentár tinan idane’e, sira labele konkorre ona”, nia dehan. (mj3)
836 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![STAE Bolu Lider ParPol Aprezenta Pontu Fokál](https://timorpost.com/wp-content/uploads/2023/03/ooooo.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)