(Reportajen Jose Caet/Editor Mateus da Cruz)
DILI-Sekretariadu Tekniku Administrasaun Eleitoral (STAE), informa, daudaun ne’e prosesu apuramentu nasionál, eleisaun prezidensiál períodu 2022-2027, falta Munisípiu Bobonaru, Dili no Covalima.
“Ita boot sira akompaña katak ita nia prosesu sei la’o hela, liu-liu apuramentu falta munisipiu tolu,” Diretór Jeral STAE, Acilino Manuel Branco, informa iha Salaun STAE nasionál Kaikoli, Segunda (21/03).
Nia esplika, apuramentu munisipiu Bobonaru falta 22 akta, Dili falta 50 akta no Covalima falta 18 akta.
Enkuantu diretór STAE ne’e dehan, atu hatene kona-ba taxa partisipasaun, remata apuramentu munisipiu mak foin bele hatene loloos eleitor ne’ebé ezerse ninia direitu votu iha eleizaun prezidensiál ne’ebé akontese iha loron 19 fulan Marsu.
To’o ohin dadeer prosesu apuramentu ba akta sira iha munisípiu atinje ona porsentu 91.075 (91.075%). Entaun hosi porsentu 91.075 hetan partisipasaun porvolta 569.891 kompostu hosi eleitor rejistradu hamutuk 859.613.
Hosi númeru partisipasaun eleitor porvolta 569.891 to’o agora foin mak rejista porsentu 66.030 mak partisipa iha eleisaun foin lalais ne’e.
1,094 total views, 3 views today
Bele hare Video Seluk :
Subscribe to Timorpost
