Baukau(timorpost.com)—Komandu Polísia Nasionál Timor Leste (PNTL) Sesta (21/07) kaer ona autór ne’ebé mak soe bebé iha area Watulete, aldeia Lutumuto, suku Tirilolo, postu administrativu Baukau Vila, tanba hetan evidénsia raan suli hela.
Informasaun ne’e hato’o hosi komandante PNTL munisípiu Baukau, superintendente xefe, António Maria De Sa, hatete, liuhosi polisiamentu komunitária ba iha autór nia hela fatin ka koos deteta kedas autór feto ida ho inisiál AB idade 15 nu’udar estudante eskola Sekundária Jerál 01 Vila Nova Baukau entrega ona autór ba família no aplika Termu Identidade Rezidénsia (TIR).
“Momentu ne’ebá hetan orientasaun hosi ita nia tribunál katak, kazu ne’e prosesu normal, tanba alin feto ne’e sai vítima aleinde ne’e sai mós hanesan suspeitu ho nune’e ita bolu família entrega hikas, maibé ita aplika TIR hodi hein prosesu ne’e kontinua la’o ba oin”, Komandante PNTL Baukau, Superintendente Xefe, António Maria De Sa, informa ba iha nia servisu fatin, Segunda (24/)7).
Lider PNTL munisípiu Baukau ne’e afirma, komandu polísia mós identifika ona suspeitu mane kazál na’in-rua ne’ebé deskonfia fó oan ba alin feto ne’e to’o ikus alin feto ne’e soe nia bebé ne’ebé la sala buat ida.
“Kona-ba suspeitu ba kazu ne’e hodi hamosu kauza to’o fó oan ba alin feto ne’e, polísia identifika hotu ona iha mane kazál na’in-rua mesak família mak fó oan no Polísia foti sira hodi kontinua prosesu ba oin”, nia subliña.
Autór mane kazál na’in-rua ne’ebé deskonfia fó oan ba vítima AB no komandu orienta ona ba nia membru sira iha eskuadra Polísia Baukau Vila, atu ba halo kapturasaun hodi submete ba prosesu, komandu kontinua atualiza identidade kompletu.
Tuir informasaun alin feto ne’e polisia ba kaptura iha nia fatin koos iha area Watulete no bebé feto ne’ebé inan feton ida hili ne’e, mate ona iha Sábadu (22/07) ne’e.
2,178 total views, 3 views today
Bele hare Video Seluk :
Subscribe to Timorpost
