Dili (Timor Post)— Komité Nasionál Supervizaun ba Eleisaun (CNE-Comição Naçional das Eleições)) ohin hala’o sorumutu nasionál ida hamutuk ho International Foundation For Eleitorál Systems (IFES, sigla-Inglés) apoiu husi USAID hodi prepara ba Eleisaun Parlamentár 2023.
Tema ne’ebé foti iha workshop ne’e mak Komunikasaun Estratéjika no oinsá ko’alia ba Mídia. Sorumutu ne’e hala’o iha salaun CNE, Dili, iha Kinta-feira (22/02/2023) ne’e.
Prezidente CNE, Jose Agostinho da Costa Belo, hateten katak objetivu husi workshop loron ohin atu asegura katak oinsá maka Komunikasaun iha Eleisaun parlamentár nian bele lao ho di’ak no mós servisu CNE nian husi nasionál too ba baze.
Nia hatutan, husi workshop ida ne’e atu bele ajuda Ema sira, hodi labele iha interpretasaun oi-oin iha prosesu tomak.
“Tan ne’e ita hakarak iha eleisaun Parlamentár ne’e la’o ho di’ak, Demokrátiku no transparénsia, entaun média ninia papél importante la’ós de’it iha ne’ebé Públiku ninian maibé nivel instituisaun mós tenke komprensaun di’ak para servisu hamutuk ho media sira hodi informasaun ne’e bele to’o ita nia Populasaun “, nia hateten iha Salaun Media Center CNE, Kolmera, Kinta (23/02).
Importante husi workshop ne’e oinsá mak anunsia sai informasaun ida ne’ebé kredivel no la halo hamosu problema.
“Ha’u hatene iha kampaña ne’e ita aprende barak iha situasaun sira, ne’ebé ha’u hanoin ita tenke mudansa iha aan rasik, ema ida-idak nian no mudansa iha lider sira atu nune’e oinsá sira hatún informasaun ba sira, Kampaña karik sira tenke di’ak no paz atu nune’e aselera Timor ba oin”.
1,520 total views, 3 views today
Bele hare Video Seluk :