Fatuberliu (timorpost.com)—Komunidade Suku Klakuk, Postu Administrativu Fatuberliu, Munisípiu Manufahi, ohin Domingo (21/05/2023), hahú ezerse sira nia direitu iha eleisaun parlamentár tinan 2023.
Observasaun timorpost.com iha terenu nota katak, populasaun sira hahú tuku 07.00 komesa nadodon ba sentru votasaun no hahú forma hodi kumpre direitu hanesan sidadaun ba rai ne’e.
Iha terenu, iha mós ekipa husi Sekretáriu Tékniku Administrasaun Eleitorál (STAE), Komisaun Nasional Eleisaun (CNE), observadór nasionál, Brigades, poling staff, fiskais husi partidu polítiku, no hetan seguransa husi Polisia Nasional Timor-Leste (PNTL) Postu Fatuberliu.
Sentru votasaun hahú loke iha oras 06:00otl. No sei remata iha oras 3:00 otl. Depois kontinua kontajen ba votu.
Iha suku Klakuk rasik iha sentru votasaun haat (4), Tolu iha eskola Primária ensinu báziku Klakuk, no sentru votasaun ida (1) iha Aldeia Webikas.
Molok Eleitor forma atu ezerse sira nia votu, ekipa CNE no STAE iha terenu pasa revista ba eleitor sira atu labele lori telfoni, karteira no seluk tan, so bele lori tama ba iha fatin votasaun mak kartaun eleitoral de’it.
Entretantu, iha Postu Administrativu Fatuberliu rasik iha Suku lima (5), kompostu husi, Suku Klakuk, Fatukahi, Kaikasa, Bubususu, no Fahinehan, no mós iha aldeia Ruanulu-resin-tolu (23), ne’ebé hola parte iha postu Administrativu Fatuberliu.
1,029 total views, 6 views today
