DILI— Psikolojista Klinika iha Departamentu Saúde Mental, Hospital Nasionál Guido Valadares (HNGV), Idalina Borges, hatete, Kada loron pasiente ho kazu moras mental barak jrejista iha HNGV.
“Tuir ha’u nia observasaun kada loron atende pasiente dala ruma bele to’o 30, doutór sira kontinua halo tratamentu ba sira iha ne’ebá, pasiente sira ne’e maioria ema ho idade joven ka idade produtivu sira”, nia informa ba jornalista iha Hotel Timor.
Nia dehan, pasiente ho moras mental nee’ebe dauduan ne’e halo tratamentu iha HNGV maioria ho idade tinan 20 to’o 30. Kauza hosi joven barak sofre moras mental dalabarak akontese tanba stres.
“Kauza husi moras mental, mai husi idade joven kaben sedu, ida ne’e mós afeta ba ema ida atu dezenvolve moras mental ne’e rasik,” katak nia.
Nia hatutan, hosi stres, bele dezenvolve ba depresaun, kuandu depresaun ne’e la hetan atendimentu lais, husik kleur iha uma, depresaun ne’e sai ba moras ida naran sikosis. no husi moras ida sikosis ne’e mak halo ema la hatene tuir rai aan ona, lakon konxiente dezorientadu, entaun la’o iha dalan, dala ruma hetan diskriminasaun família abandona.
“Menus komunikasaun husi família ne’e rasik, dala ruma família la fó importánsia ba saúde mental, hanesan ema ko’alia liafuan ruma ladún halo nia kontente, família la ajuda la tulun, nia bele hetan kontinuasaun husi ida ne’e,” nia esplika.
Problema pasiente ho moras mental ne’ebé rejista makas iha HNGV fó impaktu ba atendementu pasiente sira tanba iha Hospital Nasional rekursu ka espesialista atu atende ba ema ho moras mental menus tebes.
“Husu governu atu bele rekruta no haruka tan ema ba eskola ba iha area ida ne’e”, nia husu Atu nune’e ne’e parte espesialidade hamutuk ho ONG parte governu bele ajuda maluk sira ne’e hodi bele rekupera,” nia hakotu.
3,306 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Pasiente ho Moras Mental iha HNGV Maioria Idade Joven](https://timorpost.com/wp-content/uploads/2023/05/HNGVV.png)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)