ADVERTISEMENT

KSAM Rejista Pasiente TBC 67, Na’in-2 Mate

Mario da Costa - Saude
Jornalista : Beatriz Belo
Editor : Asisten Hermenegildo da Costa Tilman
  • Share
Manager Programa TBC Klinika Santo Antonio Motael, Ambrozio Soares Trindade. Imajen Bety

DILI (Timor Post)—Klínika Santo Antonio Motaél (KSAM), hahú husi fulan Janeiru to’o Juñu rejista moras Tuberkuloze (TBC) hamutuk pasiente na’in-67 no na’in- 2 mak lakon vida.

Manager Programa TBC Klínika Santo Antonio Motaél, Ambrozio Soares Trindade, hatete sira-nia klínika iha programa tuberkuloze, tanba ne’e mak kada loron sira sempre halo atendementu ba moras Tuberkuloze.

ADVERTISEMENT
SCROLL FILA BA NOTISIA


Lee Mós :
MS Halo Kampaña Integradu Edukasaun no Promosaun Saúde Iha Bukoli

“Hahú husi fulan Janeiru to’o Juñu, ita rejista ka halo atendementu ba pasiente hamutuk 67 no na’in-rua mak lakon vida, husi númeru pasiente ne’ebé moras ne’e, halo nafatin tratamentu iha ne’e,” nia hateten ba Timor Post iha nia knaar fatin Klínika Santo Antonio Motaél, Segunda (04/07).

Nia esplika, moras tuberkuloze ne’e moras ida ne’ebé mai husi kutun ida naran mikrobakteriu fasil atu hada’et ba ema seluk, liuhusi mear no fani.

Lee Mós :
MS Rekoñese Moras Ida Ne’e Agora Sa’e Maka’as

Tanba ne’e, kuandu hetan moras ne’e la ba halo tratamentu iha Ospitál ka Klínika, fasil atu hada’et ba família ka ema ne’ebé hela hamutuk iha uma laran, nune’e mós bele hada’et ba sosiedade sira ne’ebé hela besik malu.

“Kuandu ita sente katak iha moras TBC di’ak liu ita ba lalais Ospitál no Klínika ne’ebé besik hodi halo tratamentu”, nia rekomenda.

Lee Mós :
Inan Feto Na’in-688 mak Partu iha Fasilidade Saúde

Ikus nia aprezenta, daudaun ne’e, Klínika Santo Antonio Motaél, ai-moruk iha atu atende pasiente sira ne’ebé moras Tuberkuloze.

 2,357 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “KSAM Rejista Pasiente TBC 67, Na’in-2 Mate” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No