DILI—Jurista Timor oan, Manuel Tilman hateten, tuir konstituisaun artigu 106 deklara Primeiru Ministru (PM) tenke mai husi partidu mais votadu mak Congresso Nacionál da Reconstrução de Timor (CNRT) la’ós mai husi Partidu Libertasaun Popular (PLP).
“Partidu mais votadu mak indizita Primeiru Ministru, ida ne’e la halo. En primeiru lugar, ita iha Timor-Leste falla iha ne’e,” hatete Tilman ba jornalista sira iha tribunal distritál Dili, Sesta (29/11).
Tanba ne’e, too agora governu laiha efikásia maski, primeiru ministru Taur Matan Ruak, ema jenerál ida maibé laiha efikásia tanba partidu CNRT la koopera.
Nune’e maka bankada CNRT iha Parlamentu Nasionál atu vota kontra orsamentu jerál estadu tinan fiskál 2020, signifika katak Primeiru Ministru tenke mai husi CNRT. Ne’e bele responsabiliza no bele diversifika orsamentu jerál estadu, nune’e mós diversifika ba povu nia vida. Maibe tuir nia katak situasaun agora ita haree hanesan fali desportu ida.
“Ohin loron sasán iha rai-laran la folin, la’ós tanba sasán mak la di’ak maibé povu mak laiha osan atu sosa modo ne’ebé tuun husi Maubisse mai,” Maubisse oan ne’e hateten.
Nune’e mós, merkadu sira iha Dili laran liu-liu Manleuana, Taibesi, no supermerkadu Lita-store komunidade fa’an sasán barak.
Tan ne’e, maka governu tenke preokupa liu-liu orsamentu jerál estadu 2020 sa’e ba biliaun rua, governu liuhosi bloku Aliansa Mudansa ba Progresu (AMP) tenke responsabiliza.
Bloku AMP kompostu husi partidu tolu, CNRT, PLP ho KHUNTO tenke responsabilidade polítika.
Alende ne’e mós, loloos ne’e governu labele fó apoiu solidariedade ba Guiné-Bissau, tanba povu agrikultura Timor-Leste porsentu 80 ki’ak rabat rai.
Nune’e mós eskola barak iha territóriu laran estudante sira tuur iha rai, nune’e mós komunidade balu laiha hahán.
Maski Primeiru Ministru mai husi Partidu Libertasaun Popular, maibé laiha responsabilidade iha koligasaun nune’e la aguenta ho situasaun atuál.
Tanba ne’e, fukun impase polítika iha bloku AMP nia laran ne’ebé laiha unidade atu konsolida ba governu daualuk.
Situasaun atuál la’ós iha Prezidente Repúblika, maibé iha AMP nia laran, tanba AMP mak assume governasaun, orsamentu jerál estadu no assume povu ki’ak.
Nia dehan, se momentu neba primeiru ministru mai husi partidu CNRT, oras ne’e situasaun la sai hanesan nune’e no bele diferente. (kyt)
813 total views, 3 views today
Bele hare Video Seluk :
Subscribe to Timorpost
