Manufahi(timorpost.com)—Kuarta loron (03/04) maizumenus haliu oras tuku 10 ho balun iha area Tehul, Suku Daisua, Postu Administrativu Same, Munisípiu Manufahi akontese asidente Karreta Baskolante ho Xapa Matrikula 50448 baku fila, ema na’in-tolu kanek todan no na’in tolu seluk kanek kmaan.
Karreta baskolante ne’e tula sasán dapur hanesan bikan, sanan, kanuru no sira seluk atu hodi fa’an iha merkadu Dotik, tanba aban Kinta bazaar iha Dotik, Postu Alas.
“Iha asidente ne’e iha ema na’in-neen, maibé na’in-tolu hetan kanek todan no transfere ba Hospital Referral Maubisse (HRM) no na’in hetan kanek kmaan”, Xefe Sentru Saúde Internamentu Same, Filipe Carlos M. dos S. Belo, informa ba Timor Post iha Same, Kuarta (03/04).
Nia dehan, sira ne’ebé kanek todan ne’e feto na’in-rua no mane na’in-ida no sira ne’ebé kanek kmaan ne’e mesak mane hotu.
“Vítima na’in-tolu ne’ebé hetan kanek todan ne’e, tanba hetan pankada maka’as iha parte ulun no isin lolon inklui ain, ne’e duni sira ne’e presiza transfere ba Hospital Referral Maubisse hodi hetan tratamentu emerjénsia”, nia esplika.
Tuir informasaun ne’ebé Timor Post rekolla hosi terrenu katak, karreta baskolante ne’e hodi sidadaun Bobonaru ne’ebé fila liman iha merkadu Same no sempre halo negósiu ka fa’an sasán iha merkadu sira.
3,459 total views, 3 views today
Bele hare Video Seluk :
Subscribe to Timorpost
