DILI (timorpost.com)—Defensór Públiku, Fernando Lopes de Carvalho, ba Arguidu Longuinhos Monteiro, hatete, daudaun ne’e kazu iha ona Ministériu Públiku (MP) prosesu la’o hela, maibé sei tetu atu arkiva ka akuza.
“Kazu LM to’o agora sei iha prosesu investigasaun nia laran no kabe ba Ministériu Públiku kona-ba bainhira loos maka deklara insera/remata prosesu refere hodi konklui prosesu ida-ne’e ho despaxu akuzasaun ou arquivamentu de prosesu,” Defensór Públiku, Fernando Lopes de Carvalho, via telefone, Kinta-Feira (07/09/2023).
Defensór Públiku ne’e hatete, ate ohin loron, tuir Lei (principio presence da inosénsia) Longuinhos Monteiro sei nafatin nu’udar emar inosente tanba seidauk iha desizaun Tribunal tranzitada em julgado ne’ebé deside katak, Longuinhos Monteiro sala no komete duni krime hanesan públiku kestiona ne’e ka lae.
Fernando Lopes de Carvalho afirma, parte defeza seidauk iha informasaun kona-ba MP konklui ona prosesu investigasaun ba kazu LM.
Ne’e parte defensór labele halo aprosimasaun ba MP hodi arkiva prosesu tanba ida-idak hala’o knar tuir Lei haruka.
Entretantu, Eis Ministru Interior, Longuinhos Monteiro, deskonfia komete kazu rai arma funu nian iha ninia rezidénsia iha Likisá.
Rezultadu hosi buska ne’e, konsege prende Pistola Lot-9789 Made by Germany+Carregador ida ho bala hitu (7), totál (1). Kilat Air Force, Made in US, Model R-1212 totál 1. Kilat Marauder 177-Cal/4.Smm 2500 Psi (1). Kllat Sam Yang ind.co. Made in Korea, Golden Sayer air rifle Mud 700.cal.4,55mm (1). Kilat Rama, Horton Special edition, Made in US, B59748 (1).
Munisoens Real Mi6 (309), Munisoens Kaliber-12 (2), Munis0ens Pistola Glock 19 (1,496), Munisoens Simulada Mi6 (160), Munisoens Klat Vinte Dois (22) (11), Munisoens Broning Ro’o (3), Rama Oan Red Zone 2219 (2), Bomba Kilat (3), Munisoens Maujer (6), Munisoens SKS (29), Munisoens J3 (168), Munisoens Boracha (19), Munisoens simulada Metra (99), Munisoens Kaliber 22 (11), Progetil M16 (1).
Karregadór J3 (4), Karregadór Pistola Lot- 9789 (2). Assesoriees GSP Map- 60csx Garmin (1), Cas Bateria (1), Maka Militár (2), Lampu Solar (2), Jacket Militár (2), Silensiozu Pressão ao Ar (6+pack 2).
3,747 total views, 9 views today
