Manufahi(timorpost.com)—Iha Tersa (20/02) kalan ema deskoñesidu sobu rahun fatin rai osan (ezmola) no osan promesa iha Gruta Nossa Senhora de Graça Turiskai. Gruta refere lokaliza iha aldeia Faturedalau, Suku Kaimauk, Postu Administrativu Turiskai, munisípiu Manufahi.
“Sim, loos duni horikalan ema deskoñesidu sobu fatin ezmola iha Gruta Nossa Senhora Turiskai,” Luis Suviano Neves Barreto, informa Timor Post, Kuarta (21/02).
Komunidade ne’e esplika, fatin ezmola iha kedas Gruta laran no fatin tau ezmola ne’e mós solda ho besi maka ema deskoñesidu selok tiha ne’e.
“Fatin ezmola ne’ebé ema selok ne’e, ami halo ho Gruta kuaze tinan ona, maibé ohin dadeer ami ba haree ema sobu tiha fatin ezmola”, nia hateten.
Molok hakotu nia dehan, ho aktu ne’e sira informa ona ba Autoridade Seguransa Eskuadra Postu Administrativu Turiskai, nune’e iha Kinta (horisehik), atu informa mós ba Igreja.
1,653 total views, 3 views today
Bele hare Video Seluk :
Subscribe to Timorpost
