DILI (Timor Post) – Na’i Lulik Padre Abito José Brites Casimiro, hakotu ona Peregrinasaun iha Mundu ne’e, bainhira hetan asidente ho motorizada iha parte Dare Munisípiu Díli.
Tuir Komunikadu imprensa Timor Post Online, asesu hosi Arkidioseze Metropolitana Díli, nia Sekretariadu Kámara Ekleziástika, Tersa (23/08), katak sira simu informasaun matebian hetan asidente ho motorizada iha área Dare nian.
“Ami komunika ba Na’i Lulik Relijiozu, Relijiozu no sarani sira, katak horisehik (22/08), Na’i Maromak bolu hikas ona, Padre Abito José Brites Casemiro,” hateten liuhosi komunikade ne’e.
Matebian, mós hanesan Formador ida iha Semináriu Maiór São Pedro e São Paulo, Fatumeta, Díli.
Padre Nia isin mate oras ne’e iha hela Hospital Nasionál Guido Valadares (HNGV), hodi submete ba prosesu Investigasaun polísia nian hodi hatene loloos kauza hosi nia mate.
Ikus tuir programa Arkidioseze Díli nian katak, mate isin Na’i Lulik ne’e nian sei ba tau iha Semináriu São Pedro no São Paulo Fatumeta, hodi selebra santa misa no funebre sei fó sai iha okaziaun sira tuir mai.
4,188 total views, 3 views today
Bele hare Video Seluk :
Subscribe to Timorpost
