Manufahi(timorpost.com)—Ministériu Agrikultura Pekuária Peska no Floresta (MAPPF) apoiu tratór unidade lima ba iha Sentru Agrikultura Betanu Munisípiu Manufahi.
“Sim, tratór lima ne’e sei halo servisu ba iha Postu Administrativu Same, Alas no Postu Administrativu Fatuberlio sorin, nune’e Postu Administrativu Turiskai labele, tanba foho Diretór Servisu Agrikultura Munisípiu Manufahi, Elpino dos Santos Araújo, informa ba Timor post iha Same, Segunda (19/02).
Tuir Diretór katak, maski tratór unidade lima ne’e seidauk sufisiente ba agrikultores sira, maibé ida ne’e hanesan hodi atende provizoriumente ba agrikultores hodi halo daudaun servisu nune’e karik la to’o sei apoiu tan.
“Maibé ba natar daudaun ne’e sei iha hela problema ba segimentasaun nakonu hela ho rai henek, ne’e duni provizoriu eskapator permanente iha ne’ebá hodi hasai rai henek ne’ebé nakonu iha irrigasaun sira”, nia esplika.
Sikun seluk Xefe Suku Betanu, Filipe de Araújo, hatete, tratór unidade lima ne’ebé Ministériu apoiu ne’e sufisiente ba agrikultór sira hodi halo natar.
“Ministériu Agrikultura Pekuária Peska no Floresta apoiu tratór lima la’ós ba Betanu de’it, maibé ba munisípiu Manufahi tomak hodi utiliza ba natar ho to’os”, Xefe Suku Betanu Filipe.
Ne’e duni tratór sira ne’e sei tau hotu iha Sentru Agrikultura Betanu, maibé karik fatin seluk presiza hafoin aloka ba hodi halo servisu tantu natar no toos ninian.
“Maibé ha’u hanesan autoridade sente katak, tratór unidade lima ne’e mínimu tebes-tebes atu responde ba komunidade sira hodi halo to’os ho natar. Ba feto agrikultores Betanu mós la sufisiente sá tan munisípiu”, nia dehan.
Portantu ba daudaun ne’e natar ne’ebé iha Betanu seidauk utiliza ne’e kuaze hectares 1100.
2,445 total views, 3 views today
Bele hare Video Seluk :
Subscribe to Timorpost
