Dili (Timor Post)—Ministériu Agrikultura no Peska (MAP) hala’o aprezentasaun planu prioridade sira ba delegasaun hosi Association of Southeast Asian Nations (ASEAN).
Diretora Jerál Ministériu Agrikultura no Peska (MAP), Maria Odete do Ceo Guterres, hatete planu iha setór agrikultura nian ne’ebé haree liubá oinsá garante seguransa ai-han no nutrisaun hodi hasae produtividade no kualidade husi produtu agríkola sira.
“Ohin ami aprezentasaun kona-ba inisiativa no propriedade sira iha setór agrikultura ne’ebé bele haree liubá oinsá garante seguransa ai-han no nutrisaun atu hasae produtividade no kualidade husi produtu agríkola sira ba Ekipa Komunidade Ekonomia ASEAN”, nia hateten hafoin remata aprezentasaun iha Timor Plaza Suai Room, Kinta (21/07).
Husi aprezentasaun ne’e Delegasaun Komunidade Ekonomia ASEAN, Preokupa atividade Peska ilegál no mós produs produtu lokál iha rai laran sei menus liu, tanba tuir sira ninia observasaun peska ilegál sei buras iha tasi Timor, Alende ne’e esportasaun husi Timor-Leste ba rai li’ur mós seidauk másimu.
“Kona-ba sira-nia preokupasaun mai ita liuliu iha area peska ilegál no produtu rai laran menus, ohin resposta tiha ona ba sira, no atividade sira ne’e agora ita hala’o hela, ne’ebé ita sei la servisu mesak, maibé servisu hamutuk nasaun sira seluk hanesan Australia, Polisia Nasionál Timor-Leste (PNTL), liuhusi PCIC, UPM, UPF no mós Autoridade lokál hodi nune’e kontrolu atividade peska ilegál ne’ebé iha ita-nia tasi Timor”, nia hateten.
Enkuantu Timor-Leste agora mós prepara Lei sanitaria kona-ba importasaun no esportasaun ne’ebé Konsellu Ministru sei aprova, hein katak husi Lei ne’e bele halo mudansa global ba rai ne’e.
“Kuandu Konsellu Ministru aprova ida ne’e fasilita ona hodi nune’e halo esportasaun no importasaun ba iha rai li’ur kona-ba produtu ne’ebé ho ekonomia boot ho produsaun ne’ebé hanesan kafé, no agora esportasaun Ai-Kameli, Vanilla no buat seluk tan ne’ebé relasiona ho nivel esportasaun prenxe kritériu, maibé la’ós iha ASEAN nian, maibé kritériu nivel Internasionál no tenke iha Lei sanitaria no fitun sanitaria nian.
“Agora ita servisu makas hela, se bainhira aprova Lei dekretu protesaun animal no planta ida ne’e bele fó fasilidade ba ita hotu nune’e halo ona planu esportasaun iha ita-nia rai Laran ba estranjeiru”, nia hakotu.
1,888 total views, 3 views today
Bele hare Video Seluk :