MANUFAHI (Timorpost.com)–Deskonfia roo peskadór ilegál tolu halo atividade peska ilegal iha area tasi klaran area Dotik, suku Dotik, Postu Administrativu Alas, Munisípiu Manufahi.
Tuir Peskadór grupu Elizito do Carmos informa, sira hetan roo tolu ilegál ne’e kompostu husi roo boot ida no ki’ik rua ne’ebé mak atraka hela iha tasi klaran kuaze besik semana ida.
“Sim, iha Sábadu loron 09/03 foin lalais ami hetan roo tolu kompostu husi boot ida no ki’ik rua para hela iha tasi klaran “dehan Elizito ba Timor post iha Same, Kuarta (13/03).
Tuir Peskadór ne’e katak, roo tolu ne’e tama ilegál husi nasaun seluk hodi na’uk ikan iha tasi Timor.
Xefe suku Uma Bereloik, Postu Administrativu Alas, Sabino Fernandes konfirma ninia komunidade ne’ebé hanesan Peskadór mós lori ona informasaun refere ba hato’o iha suku.
“Ha’u nia komunidade ne’ebé hanesan Peskadór na’in tolu hato’o katak kauza kalan tolu ona roo balun atraka hela iha tasi klaran too kalan boot foin halo atividade mai tasi ninin no loron sira ba tiha tasi klaran “nia aprezenta.
Nune’e iha sikun seluk tuir fonte kredivel balun ne’ebé rejeita lakohi fó identidade sujere, parte relevante liuliu seguransa atu halo kontrola ba situasaun sira hanesan ne’e tanba selae ita lakon ita nia riku soi hanesan ikan sira iha tasi laran.
2,238 total views, 3 views today
Bele hare Video Seluk :
Subscribe to Timorpost
